ନୂଆଦିଲ୍ଲୀ: ପୁଣି ଦାଦାଗିରି ଦେଖାଇଛି ଚୀନ । ପ୍ରଥମେ ଗଲୱାନରେ ପଶି ପତାକା ଉଡାଇଲା ଆଉ ପରେ ପରେ ପୁଣି ଏଲଏସିରେ ପାଙ୍ଗୋଙ୍ଗ ହ୍ରଦରେ ସେତୁ ନିର୍ମାଣ କରୁଛି ଚୀନ (Chinese construction near Pangong Lake) । ଏହି ସେତୁ ହ୍ରଦର ଉତ୍ତର ଏବଂ ଦକ୍ଷିଣ ପଟକୁ ଯୋଗାଯୋଗ କରିବ। ପ୍ରାୟ 2 ମାସ ହେବ ଏହି ସେତୁଟିକୁ ନିର୍ମାଣ କରୁଥିବା ସୂଚନା ମିଳିଛି । ଯେଉଁ ଅଞ୍ଚଳକୁ ଭାରତ ଆମର ବୋଲି ଦାବି କରୁଛି ସେଠାରେ ସେତୁ ନିର୍ମାଣ ହେଉଥିବା ଚର୍ଚ୍ଚା ହେଉଛି ।
ଦୁଇମାସ ହେବ ଏପରି କାରସାଦି ଚଲେଇଛି ଚୀନ । LACରୁ ୨୫ରୁ ୩୦ କିଲୋମିଟର ଦୂରରେ ଏହି ସେତୁ ନିର୍ମାଣ କରୁଛି ଡ୍ରାଗନ । ଚୀନ ସୈନିକଙ୍କ ପାଇଁ ଗମନାଗମନ ସହଜ କରିବା ଲକ୍ଷ୍ୟରେ ଏହି ସେତୁ ନିର୍ମାଣ କରୁଛି । ହ୍ରଦର ଦକ୍ଷିଣପଟ କୈଳାସ ରେଞ୍ଜର ଉଚ୍ଚ ଭାଗର ପ୍ରମୁଖ ଅଂଶକୁ ଅଗଷ୍ଟ ୨୦୨୦ରେ ଭାରତ ଅକ୍ତିଆର କରିଛି । ଏହାପରେ ଏଠାରେ ସେନା ନିୟୋଜିତ କରିଛି ଭାରତ। ଚୀନର ଗିତିବିଧିକୁ ନୀରିକ୍ଷଣ ଏବଂ ମୁକାବିଲା ପାଇଁ ଭାରତ ଏଠାରେ ସେନା ନିୟୋଜିତ କରିଛି । ଏହା ପରେ ବି ଚୀନର ସାହାସ କିଛି କମ ନୁହେଁ । ସେଠାରେ ପ୍ରାଧାନ୍ୟ ବିସ୍ତାର କରି ପାଙ୍ଗୋଙ୍ଗ ହଦ୍ରରେ ସେତୁ ନିର୍ମାଣ କରୁଥିବା ଜଣାପଡ଼ିଛି। ଯାହାର ଚିତ୍ର ସାଟେଲାଇଟରେ ଉତ୍ତୋଳନ ହୋଇଛି ।