ରାୟପୁର:ହାଟରେ ବୁଲିଲେ ଜିନିଷ କଣିଲେ ଛତିଶଗଡ ମୁଖ୍ୟମନ୍ତୀ । ପତ୍ନୀଙ୍କ ପାଇଁ ସିନ୍ଦୁର, ଚୁଡି ଓ ଟିକିଲି କିଣିଲେ ମୁଖ୍ୟମନ୍ତ୍ରୀ ଭୂପେଶ ବାଘେଲ । ମାଟି, ସଂସ୍କୃତି, ଲୋକ ଓ ଭାଷା ସହିତ ସେ ନିବିଡ ଭାବେ ଜଡିତ । ଜଣେ ମୁଖ୍ୟମନ୍ତ୍ରୀ ହୋଇଥିଲେ ମଧ୍ୟ ରାଜ୍ୟର ଅନ୍ୟ ସମସ୍ତ ଲୋକଙ୍କ ପରି ସାଧାରଣ ଆଚରଣ ପାଇଁ ସେ ସର୍ବଦା ଚର୍ଚ୍ଚାରେ ରହିଥାନ୍ତି । ସେଥିପାଇଁ ତ ରାଜ୍ୟବାସୀଙ୍କ ମନରେ ଘର କରିଛନ୍ତି ମୁଖ୍ୟମନ୍ତ୍ରୀ ଭୂପେଶ ।
ଛତିଶଗଡ ବସ୍ତର ଜିଲ୍ଲା ଚିତ୍ରକୋଟ ଅନ୍ତର୍ଗତ କିଲେପାଳ ଅଞ୍ଚଳ ପ୍ରଦର୍ଶନରେ ପହଞ୍ଚିଥିଲେ ମୁଖ୍ୟମନ୍ତ୍ରୀ । ସେଠାରେ ଥିବା ଏକ ହାଟରେ ବୁଲିବା ସମୟରେ ତାଙ୍କୁ ଜଣେ ଦୋକାନୀ ବସନ୍ତ ରାୟ କିଛି କିଣିବାକୁ କହିଥିଲେ । ଏହାପରେ ଭୂପେଶ ଉକ୍ତ ଦୋକାନକୁ ଯାଇଥିଲେ । ସେଠାରେ ତାଙ୍କ ପତ୍ନୀଙ୍କ ପାଇଁ ଟିକିଲି, ସିନ୍ଦୁର, ଚୁଡି ଓ ମେହେନ୍ଦୀ କିଣିଥିବା ଦେଖିବାକୁ ମିଳିଛି । ଜିନିଷ ବାବଦକୁ ଟଙ୍କା ଦେବାକୁ ଭୂପେଶ ତାଙ୍କ ପକେଟରୁ ୫୦୦ ଟଙ୍କା ବାହାର କରିଥିଲେ । ଏହାର ଏକ ଭିଡିଓ ସେ ତାଙ୍କ ଟ୍ବିଟରରେ ପୋଷ୍ଟ କରିଥିଲେ ।