ମୁମ୍ବାଇ:କୋରୋନା କବଳରେ ଅଣ୍ଡରୱାର୍ଲ୍ଡ ଡନ ଛୋଟା ରାଜନ । କୋରୋନାରେ ଆକ୍ରାନ୍ତ ହୋଇ ଦିଲ୍ଲୀ ଏମ୍ସରେ ଭର୍ତ୍ତି ହୋଇଛି ରାଜେନ୍ଦ୍ର ନିକଲଜାଲିଆ ଛୋଟା ରାଜନ । ଏନେଇ ତିହାର ଜେଲ କର୍ତ୍ତୃପକ୍ଷ ସୋମବାର ଅଧିବେଶନ କୋର୍ଟକୁ ସୂଚନା ଦେଇଛନ୍ତି ।
61ବର୍ଷୀୟ ରାଜନକୁ 2015ରୁ ଗିରଫ କରାଯାଇ ତିହାର ଜେଲରେ ରଖାଯାଇଛି । ମୁମ୍ବାଇରେ ରାଜନ ବିରୋଧରେ ବିଚାରାଧୀନ ଥିବା ସମସ୍ତ ଅପରାଧିକ ମାମଲା ସିବିଆଇକୁ ହସ୍ତାନ୍ତର କରାଯାଇଛି । ସୋମବାର ତିହାର ଜେଲର ଜଣେ ସହକାରୀ ଜେଲର ଟେଲିଫୋନ୍ ଯୋଗେ ଗ୍ୟାଙ୍ଗଷ୍ଟର ଛୋଟା ରାଜନ କୋରୋନାରେ ସଂକ୍ରମିତ ହୋଇଥିବା ନେଇ ଅଧିବେଶନ କୋର୍ଟକୁ ସୂଚନା ଦେଇଛନ୍ତି । ଏହା ପରେ ଛୋଟା ରାଜନକୁ ଚିକିତ୍ସା ପାଇଁ ଦିଲ୍ଲୀ ଏମ୍ସରେ ଭର୍ତ୍ତି କରାଯାଇଛି ।