ରାୟପୁର:ନିର୍ବାଚନୀ ମୁହାଁ ଛତିଶଗଡର ରଜନନ୍ଦଗାଁରେ ଏକ ରାଲିକୁ ସମ୍ବୋଧନ କରିବା ବେଳେ କଂଗ୍ରେସ ନେତା ରାହୁଲ ଗାନ୍ଧୀ କିଛି ଏମିତି କହି ଦେଇଛନ୍ତି ଯାହାକୁ ନେଇ ଚର୍ଚ୍ଚା ଆରମ୍ଭ ହୋଇଛି । ଜନସଭାରେ ଆଦାନୀ ପ୍ରସଙ୍ଗରେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦିଙ୍କୁ ଟାର୍ଗେଟ କରି ଛତିଶଗଡ଼ ମୁଖ୍ୟମନ୍ତ୍ରୀ ଭୂପେଶ ବାଘେଲ ଆଦାନୀ ପାଇଁ କାମ କରୁଥିବା କହି ଦେଇଛନ୍ତି ରାହୁଲ ଗାନ୍ଧୀ । ମୋଦିଙ୍କୁ ନିଶାନା କରି କଣ କହୁଥିଲେ ଆଉ କଣ କହିଦେଲେ ତାହା ସେ ଜାଣି ପାରିଲେ ନାହିଁ । ମୁଖ୍ୟମନ୍ତ୍ରୀ ଭୂପେଶ ବାଘେଲ ଆଦାନୀ ପାଇଁ କାମ କରୁଥିବା କହୁ କହୁ କହି ଦେଲେ ରାହୁଲ । ଏହାକୁ ନେଇ ବିଜେପି କଂଗ୍ରେସକୁ ସମାଲୋଚନା କରିଛି ।
ଛତିଶଗଡ଼ର ରଜନନ୍ଦଗାଁରେ ରବିବାର କଂଗ୍ରେସ ନେତା ରାହୁଲ ଗାନ୍ଧୀ ଏକ ଜନସଭାକୁ ସମ୍ଭୋଧନ କରିଥିଲେ । ଏଥିରେ ସେ ଆଦାନୀ ପ୍ରସଙ୍ଗରେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦିଙ୍କୁ ଟାର୍ଗେଟ କରିଥିଲେ । ସେ କହିଥିଲେ, ଦେଶରେ ଦୁଇ ପ୍ରକାର ସରକାର ଅଛନ୍ତି । ଗୋଟିଏ ସରକାର ଯିଏ ଗରିବଙ୍କ ପାଇଁ କାମ କରନ୍ତି । ଆଉ ଜଣେ ସରକାର ବଡ଼ବଡ଼ କୋଟିପତି ଅଛନ୍ତି ତାଙ୍କ ପାଇଁ କାମ କରନ୍ତି । 14 ଲକ୍ଷ କୋଟି ଟଙ୍କା ଆଦାନୀର ଋଣ ଛାଡ କରିଛନ୍ତି ମୋଦି ସରକାର । କେନ୍ଦ୍ର ସରକାରଙ୍କର ଓ ଆଦାନୀଙ୍କର ତ ସମ୍ପର୍କ ରହିଛି ସେ 24 ଘଣ୍ଟା ଆଦାନୀ ଆଦାନୀ ହେଉଛନ୍ତି । ଏଠାରେ ଯେଉଁ ମୁଖ୍ୟମନ୍ତ୍ରୀ ଅଛନ୍ତି ସେ ବି ଆଦାନୀଙ୍କ ଭଳି ଲୋକଙ୍କ ପାଇଁ 24 ଘଣ୍ଟା କାମ କରୁଛନ୍ତି । ରାହୁଲ ଗାନ୍ଧୀ ଏହା କହିବା ପରେ ମଞ୍ଚରେ ଉପସ୍ଥିତ ଥିଲା ଭୂପେଶ ବାଘେଲ ଓ ଅନ୍ୟ କଂଗ୍ରେସ ନେତା ଟେନସନରେ ଆସିଥିବା ଦେଖିବାକୁ ମିଳିଥିଲା ।
ଏହା ବି ପଢନ୍ତୁ...ସାରା ଦେଶରେ କାର୍ଯ୍ୟକାରୀ ହେବ ଛତିଶଗଡ ସରକାରଙ୍କ କୃଷକ ମଡେଲ: ରାହୁଲ