ଡେରାଡୁନ: ସାରାଦେଶରେ ଏବେ ହଇଚଇ ସୃଷ୍ଟି କରିଛି ମହାମାରୀ କୋରୋନା । ଦେଶରେ କୋରୋନାର ଦ୍ବିତୀୟ ଲହରୀ ସଂକ୍ରମଣ ଗ୍ରାଫ ଲଗାତାର ଉପର ମୁହାଁ ହେବାକୁ ଲାଗିଥିବା ବେଳେ ପରିସ୍ଥିତିରେ ସୁଧାର ଆଣିବା ପାଇଁ ସରକାର ନେଇଛନ୍ତି ଏକ ବଡ ନିଷ୍ପତ୍ତି । ଉତ୍ତରାଖଣ୍ଡରେ କୋରୋନା ସଂକ୍ରମିତଙ୍କ ସଂଖ୍ୟା ହୁ ହୁ ହୋଇ ବଢୁଥିବା ବେଳେ ଚାରିଧାମ ଯାତ୍ରା ଉପରେ ରୋକ୍ ଲଗାଇଛନ୍ତି ଉତ୍ତରାଖଣ୍ଡ ସରକାର । କେବଳ ମନ୍ଦିରର ପୁରୋହିତଙ୍କୁ ମନ୍ଦିରରେ ପ୍ରବେଶ କରିବାକୁ ଅନୁମତି ଦିଆଯିବ ବୋଲି ସିଏମ୍ ତିରଥ ସିଂ ରାୱତ ନିଜେ ଏହି ସୂଚନା ଦେଇଛନ୍ତି ।
କୋରୋନା ଭୟ: ପୁଣି ଚାରିଧାମ ଯାତ୍ରା ଉପରେ ରୋକ ଲଗାଇଲେ ସରକାର
ସରକାର ଏହା ମଧ୍ୟ କହିଛନ୍ତି ଯେ, 17 ମଇରେ କେଦାରନାଥଙ୍କ ଦ୍ବାର ଏବଂ 18 ମଇରେ ବଦ୍ରିନାଥଙ୍କ ଦ୍ବାର ଖୋଲାଯିବ । ଏହା ସହିତ 14 ମଇରେ ଯମୁନୋତ୍ରୀ ଧାମର ଦ୍ବାର ଏବଂ 15 ମଇରେ ଗଙ୍ଗୋତ୍ରୀ ଧାମ ଖୋଲାଯିବ । ସିଏମଙ୍କ କହିବାନୁସାରେ, କୋରୋନା ବୃଦ୍ଧି ପାଉଥିବା ମାମଲାକୁ ଦୃଷ୍ଟିରେ ରଖି ଏହି ନିଷ୍ପତ୍ତି ନିଆଯାଇଛି ।