ନୂଆଦିଲ୍ଲୀ: ଆଉ କିଛି ଘଣ୍ଟାର ଅପେକ୍ଷା । ଚନ୍ଦ୍ରରେ ପାଦ ଥାପିତ ଚନ୍ଦ୍ରଯାନ-3 । ଜହ୍ନରେ ଉଡିବ ତ୍ରିରଙ୍ଗା ଶୁଭିବ ଜୟହିନ୍ଦ । 140 କୋଟି ଭାରତୀୟ ସେହି ଐତିହାସିକ ମୁହୂର୍ତ୍ତକୁ ଅପେକ୍ଷା କରିଛନ୍ତି । ଚନ୍ଦ୍ରଯାନ-2ର ବିଫଳତାକୁ ସଫଳତାର ସୁତ୍ର କରି ଆଗେଇ ଚାଲିଛି ଚନ୍ଦ୍ରଯାନ 3 । ଆଜି ଚନ୍ଦ୍ରର ଦକ୍ଷିଣ ମେରୁରେ ସନ୍ଧ୍ୟା 6ଟା 4 ମିନିଟରେ ଅବତରଣ କରିବ ଇସ୍ରୋର ତୃତୀୟ ମୁନ ମିଶନ ଚନ୍ଦ୍ରଯାନ । ଏନେଇ ଅବଗଣନା ଆରମ୍ଭ ହୋଇଛି । ଭାରତ ପାଇଁ ସେହି ଚନ୍ଦ୍ର ମୂହୁର୍ତ୍ତ ଇତିହାସ ରଚିବାକୁ ଯାଉଛି । ଲାଣ୍ଡରର ନିର୍ଦ୍ଧାରିତ କାର୍ଯ୍ୟକ୍ରମ ଅନୁସାରେ ଆଜି ଚନ୍ଦ୍ରରେ ଅବତରଣ କରିବ ଚନ୍ଦ୍ରଯାନ 3 ବୋଲି କହିଛନ୍ତି ଇସ୍ରୋ ଅଧ୍ୟକ୍ଷ ଏସ ସୋମନାଥ ।
ଚନ୍ଦ୍ରଯାନ-3ର ଅବତରଣ ଘୁଞ୍ଚିପାରେ ବୋଲି କିଛି ଖବର ପ୍ରକାଶ ପାଇଥିଲା । ଏହାକୁ ଖଣ୍ଡନ କରିଛନ୍ତି ଇସ୍ରୋ ଅଧ୍ୟକ୍ଷ ଏସ ସୋମନାଥ । ସେ କହିଛନ୍ତି, ''ଆମେ ଠିକ ସମୟରେ ଲାଣ୍ଡରକୁ ଚନ୍ଦ୍ରପୃଷ୍ଠରେ ଅବରତଣ କରାଇବୁ ବୋଲି ଦୃଢ ନିଶ୍ଚିନ୍ତ ଅଛୁ । ସବୁ କିଛି ଠିକ ଚାଲିଛି । ଆଜି ସନ୍ଧ୍ୟାରେ ହିଁ ଲ୍ୟାଣ୍ଡିଂ ହେବା ସ୍ପଷ୍ଟ । ପୂର୍ବରୁ ରହିଥିବା ଯୋଜନା ଅନୁସାରେ ଲ୍ୟାଣ୍ଡିଂ ହେବ । ଚନ୍ଦ୍ରଯାନର ଲାଣ୍ଡରର ସମସ୍ତ ପ୍ରଣାଳୀ ଭଲ ଭାବରେ ଚାଲିଛି । ମିଶନ ନିର୍ଦ୍ଧାରିତ ସମୟରେ ରହିଛି ।''
ଆସନ୍ତା 27 ତାରିଖରେ ଲ୍ୟାଣ୍ଡିଂ ଘୁଞ୍ଚିବାକୁ ନେଇ ଇସ୍ରୋ ଅଧ୍ୟକ୍ଷ ଏସ ସୋମନାଥନ କହିଛନ୍ତି, ''ସିଷ୍ଟମର ନିୟମିତ ଯାଞ୍ଚ କରାଯାଉଛି । ସବୁ ସଠିକ ଭାବେ ଚାଲିଛି । ମିଶନ ଅପରେସନର କମ୍ପ୍ଲେକ୍ସ ଉର୍ଜା ଓ ଉତ୍ସାହର ସହିତ ଭରି ରହିଛି । ଯଦି ଶେଷ ମିନିଟରେ କିଛି ସମସ୍ୟା ଆସେ ତେବେ ମଧ୍ୟ ଇସ୍ରୋର ଯୋଜନା କାମ କରିବ । ମୁନ ଲାଣ୍ଡର ତାର ଲାଣ୍ଡର ପୋଜିସନ କ୍ୟାମେରା LPDCରୁ ଲ୍ୟାଣ୍ଡିଂ ସାଇଟର ଫଟୋ ଉଠାଉଛି । ଯଦି କିଛି ସ୍ଥିତି ଉପୁଜେ ତେବେ ଲ୍ୟାଣ୍ଡିଂ ସାଇଟ ପୁଣି ଯାଞ୍ଚ କରାଯିବ ଓ ପୁଣି ଫଟୋ ଉଠାଯିବ ।''