ଚଣ୍ଡିଗଡ:ଚଣ୍ଡିଗଡ ମହାନଗର ନିଗମ ନିର୍ବାଚନ ଫଳାଫଳ ଘୋଷଣା ହୋଇଛି । ଏଥିରେ ଚଳିତ ଥର ନୂଆ କରି ମୈଦାନକୁ ଓହ୍ଲାଇଥିବା ଆପ ଆଦମୀ ପାର୍ଟି (AAP) ଭଲ ପ୍ରଦର୍ଶନ କରି ରେକର୍ଡ କରିଛି । ମୋଟ ୩୫ଟି ଆସନ ମଧ୍ୟରୁ ଆପ ୧୪ଟି ଆସନ ଜିତିଥିବା ବେଳେ ବେଜେପି ୧୨ ଆସନ ଜିତି ଆପ ଠାରୁ ପଛରେ ତଥା ଦ୍ବିତୀୟ ସ୍ଥାନରେ ରହିଛି ।
ସେହିପରି ପଞ୍ଜାବରେ କ୍ଷମତାରେ ଥିବା କଂଗ୍ରେସ ମାତ୍ର ୮ଟି ଓ୍ବାର୍ଡରେ ବିଜୟୀ ହୋଇଥିବା ବେଳେ ଶିରୋମଣୀ ଅକାଳି ଦଳ ମାତ୍ର ଗୋଟିଏ ଆସନ ହାତେଇବାରେ ସଫଳ ହୋଇଥିବା ରାଜ୍ୟ ନିର୍ବାଚନ କମିଶନ ପକ୍ଷରୁ ସୂଚନା ମିଳିଛି ।
ବର୍ତ୍ତମାନର ମେୟର ତଥା ବିଜେପି ପ୍ରାର୍ଥୀ ରବି କୁମାର ଶର୍ମା ଆମ ଆଦମୀ ପ୍ରାର୍ଥୀଙ୍କ ଠାରୁ ପରାଜିତ ହୋଇଛନ୍ତି । ଗତ ୨୪ ତାରିଖରେ ଚଣ୍ଡିଗଡ ମହାନଗର ନିଗମ ଅନ୍ତର୍ଗତ ସମସ୍ତ ୩୫ ଓ୍ବାର୍ଡରେ ମତଦାନ ହୋଇଥିଲା । ତେବେ ଆଜି ମତ ଗଣନା ସହ ଫଳ ମଧ୍ୟ ପ୍ରକାଶ ପାଇଛି ।