17 ବର୍ଷୀୟ ନାବାଳିକା ପ୍ରେମରେ ଉବୁଟୁବୁ କୁଖ୍ୟାତ ଡକାୟତ

୧୭ ବର୍ଷୀୟ ଯୁବତୀଙ୍କୁ ବାହା ହେବା ପାଇଁ ଯୁବତୀଙ୍କ ବାପାଙ୍କୁ ହତ୍ୟା ଧମକ ଦେବା ସହ ଗୁଳି ଫୁଟାଇଲା ଡକାୟତ କାଲି ଗୁରୁଜର । ଗିରଫ କରିବାକୁ ଖୋଜୁଛି ପୋଲିସ । ଅଧିକ ପଢନ୍ତୁ

ଭୋପାଳ:ପ୍ରେମରେ ପଡିଲା ମଧ୍ୟପ୍ରଦେଶ ଚାମ୍ବଲର ଡକାୟତ କାଲି ଗୁରୁଜର । ୧୭ ବର୍ଷୀୟ ଯୁବତୀଙ୍କୁ ବାହା ହେବା ପାଇଁ ଯୁବତୀଙ୍କ ଘରେ ପହଞ୍ଚିଲା ଡକାୟତ । ଯୁବତୀଙ୍କ ବାପା ମନା କରିବାରୁ ଆକ୍ରମଣ କରିବା ସହ ଗ୍ରାମରେ ଗୁଳି ଫୁଟାଇ ହତ୍ୟା ଧମକ ଦେଲା କାଲି ଗୁରୁଜର । ଭୟଭୀତ ଅବସ୍ଥାରେ ଯୁବତୀଙ୍କ ପରିବାର ।

ସୂଚନା ଅନୁଯାୟୀ ପାହାରଗଡ ଥାନା ଅନ୍ତର୍ଗତ ସିହାସି ଟେକ ଗ୍ରାମରେ କାଲୀ ଗୁରୁଜର ଜଣେ କୁଖ୍ୟା ଡକାୟତ । ସେ ଉକ୍ତ ଅଞ୍ଚଳର ଗୋପାଳ ଗୁରୁଜରଙ୍କ ଝିଅଙ୍କୁ ଭଲ ପାଉଥିଲେ । ଏହା ଜାଣିବା ପରେ ଯୁବତୀଙ୍କ ବାପା ତାଙ୍କ ବିବାହ ଅନ୍ୟତ୍ର କରିବାକୁ ସ୍ଥିର କରିଥିଲେ । ଏନେଇ ଖବର ପାଇବା ପରେ ଯୁବତୀଙ୍କୁ ବିବାହ ପାଇଁ ଜିଦ କରିଥିଲା କାଲି ଗୁରୁଜର । କିନ୍ତୁ ଏଥିରେ ଗୋପାଳ ଗୁରୁଜର ରାଜି ନହେବାରୁ ତାଙ୍କୁ ହତ୍ୟା ଧମକ ଦେବା ସହ ତାଙ୍କ ଗ୍ୟାଙ୍ଗ ଗ୍ରାମରେ ଗୁଳି ଚଳାଇଥିଲେ ।

ଫଳରେ ଯୁବତୀଙ୍କ ପରିବାର ଲୋକେ ଭୟଭିତ ଅବସ୍ଥାରେ ରହିଥିବା ବେଳେ ଗ୍ରାମବାସୀ ମଧ୍ୟ ଭୟବିତ ଅବସ୍ଥାରେ ରହିଛନ୍ତି । ଏନେଇ ଥାନାରେ ଅଭିଯୋଗ ପରେ ପୋଲିସ ଅଭିଯୁକ୍ତକୁ ଖୋଜିବା ଆରମ୍ଭ କରିଛି । ଯଦି କେହି ଏହି ଡକାୟତ ବିଷୟରେ ସୂଚନା ଦେବେ ତେବେ ତାଙ୍କୁ ୧୫ ହଜାର ଟଙ୍କା ଦିଆଯିବା ନେଇ ମଧ୍ୟ ପୋଲିସ ସୂଚନା ଦେଇଛି ।