Rajiv Gandhi Assassination Case: ଦୋଷୀଙ୍କୁ ଛାଡ ନିର୍ଦ୍ଦେଶର ପୁନଃବିଚାର ପାଇଁ ଆବେଦନ କଲା କେନ୍ଦ୍ର

ରାଜୀବ ଗାନ୍ଧୀ ହତ୍ୟା ମାମଲାର ସମସ୍ତ ଦୋଷୀଙ୍କୁ ଜେଲରୁ ମୁକ୍ତ କରିବା ମାମଲାରେ ସର୍ବୋଚ୍ଚ କୋର୍ଟରେ ଦ୍ବାରସ୍ଥ ହେଲା କେନ୍ଦ୍ର । ଦୋଷୀଙ୍କୁ ଛାଡ ନିର୍ଦ୍ଦେଶର ପୁନଃବିଚାର ପାଇଁ ଆବେଦନ (Rajiv Gandhi assassination case)। ନିକଟରେ ମୁକ୍ତ ହୋଇଛନ୍ତି ସମସ୍ତ 7 ଦୋଷୀ । ଅଧିକ ପଢନ୍ତୁ

ନୂଆଦିଲ୍ଲୀ:ପୂର୍ବତନ ପ୍ରଧାନମନ୍ତ୍ରୀ ରାଜୀବ ଗାନ୍ଧୀ ହତ୍ୟା ମାମଲାର ସମସ୍ତ ଦୋଷୀଙ୍କୁ ଜେଲରୁ ମୁକ୍ତ କରିବା ନିର୍ଦ୍ଦେଶର ପୁନଃବିଚାର ପାଇଁ ସର୍ବୋଚ୍ଚ କୋର୍ଟର ଦ୍ବାରସ୍ଥ ହୋଇଛନ୍ତି କେନ୍ଦ୍ର ସରକାର (Rajiv Gandhi assassination case)। ସର୍ବୋଚ୍ଚ କୋର୍ଟଙ୍କ ନିର୍ଦ୍ଦେଶ ପରେ ସମସ୍ତ 7ଦୋଷୀଙ୍କୁ ମୁକ୍ତ କରାଯାଇଛି । ପୂର୍ବରୁ ଜଣଙ୍କୁ ଓ ନିକଟରେ ଅବଶିଷ୍ଟ 6ଜଣ ଦୋଷୀଙ୍କୁ ମୁକ୍ତ କରାଯାଇଛି । ତେବେ ଏହାକୁ ନେଇ କଂଗ୍ରେସ ତୀବ୍ର ଆପତ୍ତି ଉଠାଇବା ସହ କେନ୍ଦ୍ର ସରକାରଙ୍କୁ ଟାର୍ଗେଟ କରିଥିଲା ।

ସମସ୍ତ ଦୋଷୀଙ୍କୁ ଆଜୀବନ କାରାଦଣ୍ଡାଦେଶ ହୋଇଥିବା ବେଳେ ସମସ୍ତେ ପ୍ରାୟ ଗତ 3ଦଶନ୍ଧି ଧରି ସଜ୍ଜା କାଟି ସାରିଛନ୍ତି । ସେମାନଙ୍କର ଆଚରଣରେ ସୁଧାର ଓ ଉତ୍ତମ ବ୍ୟବହାର ପାଇଁ ସେମାନଙ୍କୁ ଜେଲରୁ ମୁକ୍ତ କରିବା ପାଇଁ ସର୍ବୋଚ୍ଚ କୋର୍ଟ ନିର୍ଦ୍ଦେଶ ଦେଇଥିଲେ । ତେବେ କୋର୍ଟଙ୍କ ଏପରି ନିର୍ଦ୍ଦେଶ ଭୁଲ ପରମ୍ପରା ସୃଷ୍ଟି କରୁଛି ବୋଲି କଂଗ୍ରେସ ଅଭିଯୋଗ କରିଥିଲା । ଆଜି କେନ୍ଦ୍ର ସରକାରଙ୍କ ପକ୍ଷରୁ ସର୍ବୋଚ୍ଚ କୋର୍ଟଙ୍କ ନିର୍ଦ୍ଦେଶକୁ ପୁନଃବିଚାର କରିବା ପାଇଁ ଏକ ପିଟିସନ ଦାଏର କରାଯାଇଛି ।

ବ୍ୟୁରୋ ରିପୋର୍ଟ, ଇଟିଭି ଭାରତ