ବର୍ଜ୍ୟବସ୍ତୁ ପରିଚାଳନା ପାଇଁ 20ଲକ୍ଷ ଗାଁକୁ କେନ୍ଦ୍ରରୁ 40,700କୋଟି ମଞ୍ଜୁର

ବର୍ଜ୍ୟବସ୍ତୁ ପରିଚାଳନା ପାଇଁ ସ୍ବଚ୍ଛ ଭାରତ ମିଶନ ଅଧିନରେ 20ଲକ୍ଷ ଗାଁକୁ କେନ୍ଦ୍ରରୁ 40,700କୋଟି ଟଙ୍କା ଆବଣ୍ଟନ କରାଯାଇଛି । ଅଧିକ ପଢନ୍ତୁ...

ନୂଆଦିଲ୍ଲୀ:ବର୍ଜ୍ୟବସ୍ତୁ ପରିଚାଳନା ପାଇଁ ସ୍ବଚ୍ଛ ଭାରତ ମିଶନ ଅଧିନରେ 20ଲକ୍ଷ ଗାଁକୁ କେନ୍ଦ୍ରରୁ 40,700କୋଟି ଟଙ୍କା ଆବଣ୍ଟନ କରାଯାଇଛି । ଏନେଇ ଜଳ ଶକ୍ତି ମନ୍ତ୍ରଣାଳୟ ପକ୍ଷରୁ ମଙ୍ଗଳବାର ସୂଚନା ମିଳିଛି ।

କେନ୍ଦ୍ରର ସୂଚନା ଅନୁସାରେ, 12,730କୋଟି ପଞ୍ଚଦଶ ଅର୍ଥ ଆୟୋଗ ମାଧ୍ୟମରେ ଉପଲବ୍ଧ ହେଉଥିବାବେଳେ 4,100 ମନରେଗାରେ ଉପଲବ୍ଧ ହେବ । ଜଳଶକ୍ତି ମନ୍ତ୍ରଣାଳୟର ସଚିବଙ୍କ ଅଧ୍ୟକ୍ଷତାରେ SBM-Gର ଜାତୀୟ ଯୋଜନା ମଞ୍ଜୁରୀ କମିଟି (NSSC) ରାଜ୍ୟ ତଥା କେନ୍ଦ୍ରଶାସିତ ଅଞ୍ଚଳ ପାଇଁ ବାର୍ଷିକ କାର୍ଯ୍ୟକାରିତା ଯୋଜନା (AIP) କୁ ଅନୁମୋଦନ କରିଛି | "କେନ୍ଦ୍ର 14,000 କୋଟି ଟଙ୍କା ଦେଇଥିବାବେଳେ ରାଜ୍ୟଗୁଡିକ 8300 କୋଟିରୁ ଅଧିକ ଟଙ୍କା ଖର୍ଚ୍ଚ କରିଛନ୍ତି ।

SBM ଦ୍ବିତୀୟ ପର୍ଯ୍ୟାୟ ODF ସ୍ଥିରତା ଉପରେ ଧ୍ୟାନ ଦେଇ ଗ୍ରାମଗୁଡିକରେ SLWM ବ୍ୟବସ୍ଥା ସୁନିଶ୍ଚିତ କରି ODF ପ୍ଲସ୍ ସ୍ଥିତି ଅଧିନରେ ଗ୍ରାମଗୁଡିକରେ ବ୍ୟାପକ ପରିଷ୍କାରତା ହାସଲ କରିବାକୁ ଲକ୍ଷ୍ୟ ରଖିଛି | 2021-2022 ମସିହାରେ ସ୍ବଚ୍ଛ ଭାରତ ମିଶନରେ 50 ଲକ୍ଷରୁ ଅଧିକ ଲୋକଙ୍କୁ ଶୌଚାଳୟ,ଏକ ଲକ୍ଷ ଗୋଷ୍ଠୀ ଶୌଚାଳୟ ସହିତ ଭାରତର 2400ରୁ ଅଧିକ ବ୍ଲକରେ ପ୍ଲାଷ୍ଟିକ୍ ବର୍ଜ୍ୟବସ୍ତୁ ପରିଚାଳନା ୟୁନିଟ ଗଠନ କରିଛି । 386 ଟି ଜିଲ୍ଲାର ଗୋବର୍ଦ୍ଧନ ପ୍ରକଳ୍ପ,SLWM କାର୍ଯ୍ୟକାରୀ କରିବାରେ 2 ଲକ୍ଷରୁ ଅଧିକ ଗାଁ ପାଇଁ ଧାର୍ଯ୍ୟ ସହାୟତା ପ୍ରଦାନ କରାଯାଇଛି ।

ବ୍ୟୁରୋ ରିପୋର୍ଟ,ଇଟିଭି ଭାରତ