Emergency landing: ଆସାମରେ କେନ୍ଦ୍ର ଗୃହମନ୍ତ୍ରୀ ଶାହଙ୍କ ବିମାନର ଜରୁରୀ ଅବତରଣ

ଖରାପ ପାଗ ଯୋଗୁ ଆସାମରେ ଜରୁରୀ ଅବତରଣ କଲା କେନ୍ଦ୍ର ଗୃହମନ୍ତ୍ରୀ ଅମିତ ଶାହଙ୍କ ସ୍ବତନ୍ତ୍ର ବିମାନ (Central HM Amit Shahs flight emergency landing)। ଅଗରତାଲା ଅଭିମୁଖେ ଭରିଥିଲା ଉଡାଣ । ଆଜି ରାତି ଗୌହାଟୀରେ କାଟିବେ ଶାହ । ଅଧିକ ପଢନ୍ତୁ

ହାଇଦ୍ରାବାଦ:ଆସାମରେ କେନ୍ଦ୍ର ଗୃହମନ୍ତ୍ରୀ ଅମିତ ଶାହଙ୍କ ସ୍ବତନ୍ତ୍ର ବିମାନ ଜରୁରୀ ଅବତରଣ କରିଛି (Central HM Amit Shahs flight emergency landing)। ଆଜି ଅଗରତାଲା ଗସ୍ତରେ ଥିଲେ ଶାହ । ଖରାପ ପାଗ ପାଇଁ ତାଙ୍କ ସ୍ବତନ୍ତ୍ର ବିମାନ ଆସାମ ରାଜଧାନୀ ଗୌହାଟୀ ଅନ୍ତର୍ଜାତୀୟ ବିମାନ ବନ୍ଦରରେ ଜରୁରୀ ଅବତରଣ କରିଥିବା ସୂଚନା ମିଳିଛି ।

ଗୃହମନ୍ତ୍ରୀ ଶାହଙ୍କ ବିମାନ ଗୌହାଟୀ ଲୋକପ୍ରିୟ ଗୋପୀନାଥ ବୋର୍ଡୋଲାଇ ଅନ୍ତର୍ଜାତୀୟ ବିମାନ ବନ୍ଦରରେ ସୁରକ୍ଷିତ ଜରୁରୀକାଳୀନ ଅବତରଣ କରିଛି । ତେବେ ଜରୁରୀ ଅବତରଣ କରିବା ପରେ ଗୃହମନ୍ତ୍ରୀ ଶାହ ଆଜି (ବୁଧବାର) ଗୌହାଟୀର ଏକ ହୋଟେଲରେ ରାତି କାଟିବେ । ଆସନ୍ତାକାଲି (ଗୁରୁବାର) ସକାଳେ ସେ ପୁନଃ ଗୌହାଟୀରୁ ଅଗରତାଲା ଅଭିମୁଖେ ଯାତ୍ରା କରିବାର କାର୍ଯ୍ୟକ୍ରମ ରହିଛି ।

ବ୍ୟୁରୋ ରିପୋର୍ଟ, ଇଟିଭି ଭାରତ