ଶ୍ରୀନଗର:ପାକିସ୍ତାନ ସୀମାରେ ଆତଙ୍କବାଦୀଙ୍କ ପ୍ରାଦୁର୍ଭାବ ଧୀରେ ଧୀରେ ବଢିବା ଓ ଜମ୍ମୁ ଏୟାରବେଶରେ ବାରୁମ୍ବାର ଡ୍ରୋନ ଉଡିବା ମଧ୍ୟରେ ଆଜି ସିଡିଏସ ଜେନେରାଲ ବିପିନ ରାୱତ ଜମ୍ମୁରେ ପହଞ୍ଚିଛନ୍ତି । ସିଡିଏସ LOC ଯିବା ସହ ସ୍ଥାନୀୟ ସ୍ଥିତି ସମୀକ୍ଷା କରିବେ । ଏହାବାଦ ମୁତୟନ ହୋଇଥିବା ସୁରକ୍ଷାବଳଙ୍କ ସହ ଆଲୋଚନା କରିବେ । ପାକିସ୍ତାନର ଡ୍ରୋନ ଷଡଯନ୍ତ୍ର ପ୍ରସଙ୍ଗରେ ମଧ୍ୟ ଗୁରୁତ୍ବପୂର୍ଣ୍ଣ ନିଷ୍ପତି ନେଇପାରନ୍ତି ।
ସେପଟେ ଆଜି (ଗୁରୁବାର) ସ୍ଥଳସେନା ପ୍ରମୁଖ ଜେନେରାଲ ମନୋଜ ମୁକୁନ୍ଦ ନରଭାଣେ ରାଜସ୍ଥାନ ପୋଖରନ ଗସ୍ତରେ ଯାଇ ଯବାନଙ୍କ ସହ ଆଲୋଚନା କରିଛନ୍ତି । ଏହାସହ ବୋଫର୍ସ, ଧନୁଷ, ଭଳି ସ୍ବଦେଶୀ ବନ୍ଧୁକ ଚାଳନାର ମକଡ୍ରିଲ ଦେଖିଛନ୍ତି ।