ନୂଆଦିଲ୍ଲୀ:ନିକଟରେ 4ଟି ରାଜ୍ୟରେ ଅନୁଷ୍ଠିତ ଉପନିର୍ବାଚନର ଭୋଟ ଗଣତି ଶେଷ ହେବା ସହ ଫଳାଫଳ ଆସିଛି । ପଶ୍ଚିମବଙ୍ଗର ଲୋକସଭା ସମେତ ଦୁଇ ଆସନ, ବିହାରର ବୋଚହାନ, ଛତିଶଗଡର ଖଇରଗଡ ଓ ମହାରାଷ୍ଟ୍ରର କୋହ୍ଲାପୁର ଉତ୍ତର ବିଧାନସଭା ଆସନରେ ଉପ-ନିର୍ବାଚନ ହୋଇଥିଲା । ତେବେ ବର୍ତ୍ତମାନ ସୁଦ୍ଧା ସମସ୍ତ ଆସନରେ ଫଳାଫଳ ଆସିସାରିଛି ।
ବିହାରର ବୋଚହାନ ବିଧାନସଭା ଆସନରେ ବିଜେପି ପ୍ରାର୍ଥୀଙ୍କୁ ମାତ ଦେଇ ବିଜୟର ସ୍ବାଦ ଛାଖିଛନ୍ତି RJD ପ୍ରାର୍ଥୀ ଅମର କୁମାର ପଓ୍ବନ । ସେ ନିଜ ନିକଟତମ ପ୍ରତିଦ୍ବନ୍ଦୀ ତଥା ବିଜେପିର ବେବି କୁମାରୀଙ୍କୁ ପ୍ରାୟ 30 ହଜାର ଭୋଟ ବ୍ୟବଧାନରେ ପରାଜିତ କରିଛନ୍ତି । ସେହିପରି ଛତିଶଗଡର ଖଇରଗଡ ବିଧାନସଭା ଆସନକୁ କବଜାକୁ ନେଇଛି କଂଗ୍ରେସ । କଂଗ୍ରେସ ପ୍ରାର୍ଥୀ ଯଶୋଦା ନିଳାମ୍ବର ବର୍ମା ନିକଟତମ ପ୍ରତିଦ୍ବନ୍ଦ୍ୱୀ ତଥା ବିଜେପି ପ୍ରାର୍ଥୀ କୋମଲ ଜଙ୍ଘେଲଙ୍କ ଠାରୁ ବିଜୟୀ ହୋଇଛନ୍ତି ।