ଚେନ୍ନାଇ:ବିମାନ ବନ୍ଦରରେ ସୁନା ଓ ଅନ୍ୟାନ୍ୟ ଜିନିଷ ତସ୍କରୀ ବେଳେ କଷ୍ଟମ ବିଭାଗ ହାତରେ ଯାତ୍ରୀ ଧରାପଡିବା ଘଟଣା ବହୁଳ ଭାବେ ନଜରକୁ ଆସେ । ତେବେ ପରିବାର ସହ ଯାତ୍ରା କରୁଥିବା ଜଣେ 5 ବର୍ଷୀୟ ଶିଶୁ ବ୍ୟାଗରୁ ବାହାରିଲା ଗୁଳି । ଏପରି ଏକ ଘଟଣା ଦେଖିବାକୁ ମିଳିଛି ଚେନ୍ନାଇ ବିମାନ ବନ୍ଦରରେ । ଚେନ୍ନାଇରୁ ବାଙ୍ଗାଲୋର ଅଭମୁଖେ ଯାତ୍ରା କରିବା ପାଇଁ ଚେକିିଂ ହେଉଥିବା ବେଳେ ଏକ ପରିବାରର 5 ବର୍ଷୀୟ ଶିଶୁ ବ୍ୟାଗରୁ ଗୁଳି ଠାବ କରିଛନ୍ତି ଚେକିଂ ଦାୟିତ୍ବରେ ଥିବା ସୁରକ୍ଷା ଟିମ । ଏହି ପରିବାରଟି କିଛି ଦିନ ତଳେ ଇସ୍ରାଏଲ ପରିଭ୍ରମଣରେ ଯାଇ ଦୁବାଇ ହୋଇ ଚେନ୍ନାଇ ଆସିଥିବା ଜଣାପଡିଛି ।
ମିଳିଥିବା ସୂଚନା ଅନୁସାରେ, ପରିବାରର ମୁଖ୍ୟ 64 ବର୍ଷୀୟ କର୍ଣ୍ଣାଟକର କୃଷ୍ଣ ଦୁବେ ନାମକ ଜଣେ ବ୍ୟକ୍ତି । ସେ କେନ୍ଦ୍ରୀୟ ଏକ୍ସାଇଜ୍ ବିଭାଗର ଜଣେ ବରିଷ୍ଠ ଅଧିକାରୀ ଭାବରେ ଅବସର ମଧ୍ୟ ନେଇସାରିଛନ୍ତି । କିଛି ଦିନ ପୂର୍ବରୁ କୃଷ୍ଣ ଦୁବେ ତାଙ୍କ ପରିବାରର 5ଜଣ ସଦସ୍ୟଙ୍କ ସହ ଇସ୍ରାଏଲ ଭ୍ରମଣ ଗସ୍ତରେ ଯାଇଥିଲେ । ଏହା ପରେ ସେ ଦୁବାଇ ଆସିଥିଲେ ଏବଂ ସେଠାରୁ ଇଣ୍ଡିଗୋ ବିମାନ ଦ୍ୱାରା ଚେନ୍ନାଇ ଆସିଥିଲେ । ସେଠାରୁ ସେ ବାଙ୍ଗାଲୋର ଅଭିମୁଖେ ଯାତ୍ରା କରିବାକୁ ପ୍ରସ୍ତୁତ ହେଉଥିବା ବେଳେ ତାଙ୍କ 5 ବର୍ଷୀୟ ନାତୁଣୀର ବ୍ୟାଗରୁ ଏହି ଗୁଳି ଜବତ କରାଯାଇଥିଲା ।