ଚଣ୍ଡିଗଡ:ପଞ୍ଜାବର ଅନ୍ତର୍ଜାତୀୟ ସୀମାବର୍ତ୍ତୀ ଅଞ୍ଚଳରେ ସନ୍ଦେହଜନକ ଡ୍ରୋନର ଅନୁପ୍ରବେଶ ରୋକିବାରେ ସଫଳ ହୋଇଛି ଭାରତୀୟ ସୀମା ସୁରକ୍ଷା ବଳ (ବିଏସଏଫ) (BSF thwarted a drone intrusion attempt in Punjab) । ରବିବାର ରାତିରେ ଏହି ଅତ୍ୟାଧୁନିକ ଡ୍ରୋନକୁ ଗୁଳି କରି ଖସାଇବା ସହ ଜବତ କରିବାରେ ସଫଳତା ମିଳିଛି । ଏହା ଏକ ଅତ୍ୟାଧୁନିକ 8 ପ୍ରୋପେଲର୍ ବିିଶିଷ୍ଟ ବିଶାଳ ଡ୍ରୋନ ଯାହାର ଓଜନ ପ୍ରାୟ 12 କେ.ଜି ରହିଛି । ଏହାକୁ ଯାଞ୍ଚ ଜାରି ରହିଛି । ପ୍ରାଥମିକ ଭାବେ ଏଥିରୁ କିଛି ଆପତ୍ତିଜନକ ସାମଗ୍ରୀ ମଧ୍ୟ ଜବତ କରାଯାଇଥିବା ସୂଚନା ମିଳିଛି । ତେବେ ଏହା ଗୁପ୍ତଚରୀ ଉଦ୍ଦେଶ୍ୟରେ ପାକିସ୍ତାନ ପଟୁ ଭାରତୀୟ ଅଞ୍ଚଳରେ ପ୍ରବେଶ କରିଥିବା ପ୍ରାଥମିକ ଭାବେ ସୁରକ୍ଷା ବଳ ସନ୍ଦେହ କରୁଛି ।
ମିଳିଥିବା ସୂଚନା ଅନୁସାରେ, ଘଟଣାଟି ରବିବାର ରାତି ପ୍ରାୟ 9.15ରେ ଘଟିଛି । ଅମୃତସରର ନିକଟବର୍ତ୍ତୀ ବର୍ଡର ଆଉଟ୍ ପୋଷ୍ଟରେ ଏହି ଡ୍ରୋନଟି ନଜର ଆସିଥିଲା (BSF thwarted a drone intrusion attempt in Punjab)। ତେବେ ସେଠାରେ ନିୟୋଜିତ ଥିବା 22-ବାଟାଲିଅନର ବିଏସ୍ଏଫ୍ ଯବାନମାନେ ଏହାକୁ ଦେଖି ଗୁଳି ଚଲାଇଥିଲେ । ଡ୍ରୋନଟି ଖସି ପଡିବା ପରେ ତାକୁ ଜବତ କରାଯାଇ ଅତି ସତର୍କତାର ସହ ଯାଞ୍ଚ କରାଯାଇଥିଲା । କିଛି ସନ୍ଦେହଜନକ ସାମଗ୍ରୀ ମଧ୍ୟ ଜବତ କରାଯାଇଛି । ଅଧିକ ତଦନ୍ତ ମଧ୍ୟ ଜାରି ରଖିଛି ସୁରକ୍ଷାବଳ ।