ଗୁଜୁରାଟ ଉପକୂଳରୁ 3 ପାକିସ୍ତାନୀ ବୋଟ ଜବତ କଲା BSF

ଗୁଜୁରାଟ ଉପକୂଳରୁ ଜବତ ହେଲା 3 ପାକିସ୍ତାନୀ ବୋଟ । ଖସିଗଲେ ପାକିସ୍ତାନୀ ମତ୍ସ୍ୟଜୀବୀ । ପାଟ୍ରୋଲିଂ କଡାକଡି କଲା BSF । ନିକଟ ଅତୀତରେ ବିପୁଳ ନିଶାଦ୍ରବ୍ୟ ସହ ଗିରଫ ହୋଇଥିଲେ 9 ପାକିସ୍ତାନୀ ନାଗରିକ । ଅଧିକ ପଢନ୍ତୁ

ଅହମ୍ମଦାବାଦ: ପୁଣି ଭାରତୀୟ ଜଳସୀମାରେ ପାକିସ୍ତାନୀ ମାଛଧରା ବୋଟ । ଆଜି ଗୁଜୁରାଟର ହାରାମୀ ନଳା ଅଞ୍ଚଳରୁ 3 ପାକିସ୍ତାନୀ ମାଛଧାର ବୋଟକୁ ଜବତ କରିଛି ସୀମା ସୁରକ୍ଷା ବଳ । ଆଜି ପାଟ୍ରୋଲିଂ ସମୟରେ ବିଏସଏଫକୁ ଏହି ସଫଳତା ମିଳିଛି । ସେଥିରେ ଥିବା ପାକିସ୍ତାନୀ ମତ୍ସ୍ଯଜୀବୀ କିନ୍ତୁ ପାଟ୍ରୋଲିଂ ଟିମକୁ ଚମକା ଦେଇ ପାକିସ୍ତାନ ସୀମାକୁ ଖସି ଯିବାରେ ସଫଳ ହୋଇଛନ୍ତି ।

ଆଖପାଖ ଅଞ୍ଚଳରେ ସର୍ଚ୍ଚ ଅପରେସନକୁ କଡାକଡି କରିଛି । ଉକ୍ତ ବୋଟକୁ ଯାଞ୍ଚ ମଧ୍ୟ ଜାରି ରହିଛି । ଜାଲ ସମେତ କିଛି ମାଛଧରା ସାମଗ୍ରୀ ସେଠାରୁ ଜବତ କରିଛି ସୁରକ୍ଷା ବଳ । ତେବେ ଭାରତୀୟ ଜଳ ସୀମାରେ ପଶି ମାଛ ଧରିବା ବେଳେ ପାକିସ୍ତାନୀ ମତ୍ସ୍ୟଜୀବୀ ଗିରଫ ହେବା ଘଟଣା ପ୍ରଥମ ନୁହେଁ । ଏହା ପୂର୍ବରୁ ନିକଟରେ ଏକ ପାକିସ୍ତାନୀ ବୋଟ ସହ ବିପୁଳ ପରିମାଣର ନିଶାଦ୍ରବ୍ୟ ଜବତ କରିଥିଲା ବିଏସଏଫ । ଏହି ଘଟଣାରେ 9 ପାକିସ୍ତାନୀ ନାଗରିକଙ୍କୁ ମଧ୍ୟ ଗିରଫ କରାଯାଇଥିଲା । ଏହି ନିଶା କାରବାର ରାକେଟ ପାକିସ୍ତାନର କରାଚୀରୁ କରାଯାଇଥିବା ସନ୍ଦେହ କରିଥିଲା ପୋଲିସ । ତେବେ କଡା ପାଟ୍ରୋଲିଂ ସତ୍ତ୍ବେ ମଧ୍ୟ ବାରମ୍ବାର ଏପରି ଅନୁପ୍ରବେଶ ଭାରତୀୟ ତଟ ସୁରକ୍ଷାକୁ ନେଇ ପ୍ରଶ୍ନବାଚୀ ସୃଷ୍ଟି କରିଛି ।

ବ୍ୟୁରୋ ରିପୋର୍ଟ, ଇଟିଭି ଭାରତ