ଗୁଜୁରାଟ ଉପକୂଳରୁ ପାକିସ୍ତାନୀ ବୋଟ ଜବତ

ପୁଣି ଭାରତୀୟ ଜଳସୀମାରେ ପାକିସ୍ତାନୀ ମତ୍ସ୍ୟଜୀବୀଙ୍କ ଅନୁପ୍ରବେଶ । ଗୁଜୁରାଟ ଉପକୂଳର ଭୂଜ ଅଞ୍ଚଳରୁ ପାକିସ୍ତାନୀ ବୋଟ ଜବତ କଲା BSF । ଖସିଗଲେ ପାକିସ୍ତାନୀ ମତ୍ସ୍ୟଜୀବୀ । ଅଧିକ ପଢନ୍ତୁ

ଗାନ୍ଧୀନଗର: ପୁଣି ଭାରତୀୟ ଜଳସୀମାରେ ପାକିସ୍ତାନୀ ବୋଟ । ଆଜି (ବୁଧବାର) ଗୁଜୁରାଟର ଭୂଜ ଉପକୂଳରୁ ଏକ ପାକିସ୍ତାନୀ ମାଛଧରା ବୋଟକୁ ଜବତ କରିିଛି ସୀମା ସୁରକ୍ଷା ବଳ (BSF) । ଏହି ବୋଟରେ ପାକିସ୍ତାନୀ ମତ୍ସ୍ୟଜୀବୀ ଭାରତୀୟ ଜଳସୀମାରେ ପଶି ମାଛ ମାରୁଥିବା ଖବର ମିଳିବା ପରେ BSF ପାଟ୍ରୋଲିଂ ଟିମ ଉକ୍ତ ଅଞ୍ଚଳରେ ଚଢାଉ କରିଥିଲା ।

BSF ବୋଟକୁ ଦେଖି ପାକିସ୍ତାନୀ ମତ୍ସ୍ୟଜୀବୀମାନେ ଅନ୍ୟ କିଛି ବୋଟରେ ପାକିସ୍ତାନୀ ଜଳସୀମାକୁ ଖସି ପଳାଇବାରେ ସକ୍ଷମ ହୋଇଥିବା ବେଳେ ଗୋଟିଏ ବୋଟକୁ ଜବତ କରାଯାଇଛି । ବୋଟଟିକୁ ଯାଞ୍ଚ କରାଯାଉଛି । ପ୍ରାଥମିକ ଭାବେ କିଛି ମାଛ ଓ ମାଛ ଧରା ସାମଗ୍ରୀ ମିଳିଥିବା ମଧ୍ୟ ସୂଚନା ରହିଛି ।

ତେବେ ଏହା ପ୍ରଥମ ଘଟଣା ନୁହେଁ ବରଂ ନିକଟ ଅତୀତରେ ମଧ୍ୟ ଏକାଧିକ ଥର ପାକିସ୍ତାନୀ ମତ୍ସ୍ୟଜୀବୀ ଭାରତୀୟ ଜଳସୀମାରେ ଅନୁପ୍ରବେଶ କରିବାର ଉଦାହରଣ ମଧ୍ୟ ରହିଛି । ରାତିରେ ଏମାନେ ଅନୁପ୍ରବେଶ କରି ମାଛ ଧରିବା ସହ ସକାଳ ହେବା ପୂର୍ବରୁ ପାକିସ୍ତାନ ସୀମାକୁ ଖସି ଯିବାରେ ସକ୍ଷମ ହେଉଛନ୍ତି । ବାରମ୍ବାର ଏପରି ଘଟୁଥିବାରୁ ରାତ୍ରୀକାଳୀନ ପାଟ୍ରୋଲିଂକୁ BSF ପକ୍ଷରୁ କଡାକଡି କରାଯାଇଛି ।

ବ୍ୟୁରୋ ରିପୋର୍ଟ, ଇଟିଭି ଭାରତ