ଚଣ୍ଡିଗଡ:ଅମୃତସରରେ ଭାରତ-ପାକିସ୍ତାନ ଅନ୍ତର୍ଜାତୀୟ ସୀମା ନିକଟରେ ଏକ ପାକିସ୍ତାନୀ ଡ୍ରୋନ୍ ଜବତ କରାଯାଇଛି । ପଞ୍ଜାବ ପୋଲିସ ଓ ସୀମା ସୁରକ୍ଷା ବଳର ମିଳିତ କାର୍ଯ୍ୟାନୁଷ୍ଠାନରେ ଏହି ସଫଳତା ମିଳିଛି । ଏହି ଡ୍ରୋନ୍ଟି ପାକିସ୍ତାନ ପଟୁ ଆସିଥିବା ପ୍ରାୟତଃ ସ୍ପଷ୍ଟ ହୋଇଥିବା ପୋଲିସ କହିଛି । ଏକ କ୍ଷେତରେ ଏହା ପଡ଼ିଥିବା ସୂଚନା ମିଳିବା ପରେ ପୋଲିସ ଓ ବିଏସଏଫ ଯବାନ ଘଟଣାସ୍ଥଳରେ ପହଞ୍ଚି ଏହାକୁ ଜବତ କରିଥିଲେ । ଏବେ ଏହାକୁ ଯାଞ୍ଚ କରାଯାଉଛି । ଏହା କେଉଁ ଉଦ୍ଦେଶ୍ୟରେ ବ୍ୟବହାର କରାଯାଇଥିଲା ତାହା ଏବେ ସୁଦ୍ଧା ସ୍ପଷ୍ଟ ହୋଇନି । ଏହା ଏକ ଆତଙ୍କୀ କାର୍ଯ୍ୟକଳାପ କିମ୍ବା ସୀମାପାର ନିଶା କାରବାର ହୋଇଥିବା ନେଇ ସନ୍ଦେହ କରାଯାଉଛି ।
ପୋଲିସର ସୂଚନା ଅନୁସାରେ, ଭାରତ ପାକିସ୍ତାନ ଅନ୍ତର୍ଜାତୀୟ ସୀମାର ଅମୃତସର ଜିଲ୍ଲାର ସୀମାନ୍ତ ଗ୍ରାମ କାକରରେ ଏହି ଡ୍ରୋନ୍ ଠାବ କରାଯାଇଛି । ଗତକାଲି ରାତିରେ ଏହି ଡ୍ରୋନ୍ ପାକିସ୍ତାନ ପଟୁ ଭାରତୀୟ ସୀମାରେ ପ୍ରବେଶ କରିଥିଲା । ହେଲେ କୌଣସି କାରଣବଶତଃ ଗ୍ରାମ ନିକଟବର୍ତ୍ତୀ ଏକ କ୍ଷେତରେ ଖସି ପଡ଼ିଥିବା ସନ୍ଦେହ କରାଯାଉଛି । ପାଟ୍ରୋଲିଂ ବେଳେ ସୁରକ୍ଷାବଳକୁ ଗ୍ରାମବାସୀଙ୍କ ପକ୍ଷରୁ ଏହି ସୂଚନା ମିଳିବା ପରେ ସେମାନେ ଘଟଣାସ୍ଥଳରେ ପହଞ୍ଚି ଡ୍ରୋନ୍କୁ ଜବତ କରି ଯନ୍ତ୍ରାଂଶକୁ ଚିହ୍ନଟ କରିବାକୁ ଚେଷ୍ଟା କରୁଛନ୍ତି ।
ଏହା ମଧ୍ୟ ପଢନ୍ତୁ -: କୃତ୍ରିମ ବନ୍ୟାରେ ଭାସିଗଲେ ଦୁଇ ଯବାନ, ମୃତଦେହ ଉଦ୍ଧାର