ହାଇଦ୍ରାବାଦ:କର୍ଣ୍ଣାଟକ-ମହାରାଷ୍ଟ୍ର ମଧ୍ୟରେ ଜାରି ରହିଥିବା ସୀମା ବିବାଦ ମଧ୍ୟରେ ମନ୍ତବ୍ୟ ଯୁଦ୍ଧ ଆରମ୍ଭ ହୋଇଛି । ଏହି ସମ୍ପର୍କରେ ମହାରାଷ୍ଟ୍ର ଉପମୁଖ୍ୟମନ୍ତ୍ରୀ ଦେବେନ୍ଦ୍ର ଫଡନାଭିସ ଦେଇଥିବା ମନ୍ତବ୍ୟକୁ ସ୍ବପ୍ନ ବୋଲି କହିଛନ୍ତି କର୍ଣ୍ଣାଟକ ମୁଖ୍ୟମନ୍ତ୍ରୀ ବଶବରାଜ ବୋମାଇ (Border dispute between Maharashtra karnataka) । କର୍ଣ୍ଣାଟକ ସୀମାବର୍ତ୍ତୀ ଅଞ୍ଚଳରେ ରହିଥିବା ମରାଠୀ ଭାଷାଭାଷୀ ଅଞ୍ଚଳକୁ ମହାରାଷ୍ଟ୍ରରେ ମିଶ୍ରଣ କରାଯିବା ନେଇ ମନ୍ତବ୍ୟ ରଖିଥିଲେ ଫଡନାଭିସ । ତେବେ ଏହି ସ୍ବପ୍ନ କେବେ ପୂରଣ ହୋଇପାରିବ ନାହିଁ ବୋଲି କର୍ଣ୍ଣାଟକ ମୁଖ୍ୟମନ୍ତ୍ରୀ ବୋମାଇ କହିଛନ୍ତି ।
ବୋମାଇ କହିଛନ୍ତି,(karnataka CM Bommai on Devendra Fadnavis statement) କର୍ଣ୍ଣାଟକ ନିଜର ଜମି ରକ୍ଷା ପାଇଁ ବଦ୍ଧ ପରିକର । ଦୁଇ ରାଜ୍ୟର ସୀମାବର୍ତ୍ତୀ ଜିଲ୍ଲାର କିଛି ସ୍ଥାନ ମହାରାଷ୍ଟ୍ରକୁ ଦେବାର ପ୍ରଶ୍ନ ଉଠୁନାହିଁ । ଏହା ପରିବର୍ତ୍ତେ ମହାରାଷ୍ଟ୍ରର ସୋଲାପୁର ଓ ଅକ୍କାଲୋକୋଟେ ମଧ୍ୟ କର୍ଣ୍ଣାଟକରେ ସାମିଲ ହେବାର ଆବଶ୍ୟକତା ରହିଛି । ସୋଲାପୁର ଓ ଅକ୍କାଲୋକୋଟେ ବିଭିନ୍ନ ସ୍ଥାନରେ କନ୍ନଡ ଭାଷାଭାଷୀ ଲୋକେ ରହିଛନ୍ତି । ଉକ୍ତ ଅଞ୍ଚଳକୁ କର୍ଣ୍ଣାଟଚକରେ ସାମିଲ କାରଯାଉ ବୋଲି ବୋମାଇ ଦାବି ମଧ୍ୟ କରିଛନ୍ତି ।