ନୂଆଦିଲ୍ଲୀ: ବିମାନ ଉଡାଣର ଆଉ ମାତ୍ର କିଛି ସମୟର ଅପେକ୍ଷା ଥିଲା । ଉଡାଣ ପୂର୍ବରୁ ହଠାତ୍ କଲ ଆସିଲା ଦିଲ୍ଲୀ-ପୁଣେ ଭିସ୍ତାରା ବିମାନରେ ବୋମା ରହିଛି । ଏହାପରେ ଯାତ୍ରୀଙ୍କ ମଧ୍ୟରେ ଖେଳିଗଲା ଭୟର ବାତାବରଣ । ଭୟର ସମସ୍ତେ ବିମାନରୁ ଓହ୍ଲାଇ ପଡିବା ପରେ ବିମାନରେ ସର୍ଚ୍ଚ ଅପରେସନ କରାଯାଇଥିଲା । କିନ୍ତୁ କୌଣସି ବିମାନ ମଧ୍ୟରୁ କୌଣସି ସନ୍ଦେହଜନକ ବସ୍ତୁ ମିଳିନଥିବା ସିଆଇଏସଏଫ ଓ ଦିଲ୍ଲୀ ପୋଲିସର ବରିଷ୍ଠ ଅଧିକାରୀ ସୂଚନା ଦେଇଛନ୍ତି । ଦିଲ୍ଲୀ ବିମାନ ବନ୍ଦରର ଡିଏମଆର କଲ ସେଣ୍ଟରକୁ ବିମାନରେ ବୋମା ଥିବା ଧମକପୂର୍ଣ୍ଣ କଲ ଆସିଥିଲା ।
ଦିଲ୍ଲୀ ବିମାନବନ୍ଦରରୁ ସକାଳ 8ଟା 30 ମିନିଟ ସମୟରେ, ୟୁକେ -971 ଦିଲ୍ଲୀରୁ ପୁଣେ ବିମାନ ଉଡାଣ ଆରମ୍ଭ କରିବାର ଥିଲା । ଏହା ପୂର୍ବରୁ ସମସ୍ତ ଯାତ୍ରୀ ବିମାନକୁ ପ୍ରବେଶ କରିଥିଲେ । ଏହି ସମୟରେ ଗୁରୁଗ୍ରାମର ଜିଏମଆର କଲ୍ ସେଣ୍ଟରକୁ ଏକ ଧମକ ପୂର୍ଣ୍ଣ କଲ ଆସିଥିଲା । ଭିସ୍ତାରା ବିମାନରେ ବୋମା ଥିବା କେହି ଫୋନ କରି କହିଥିଲେ । ବିମାନରେ 100 ଯାତ୍ରୀ ଥିବା ବେଳେ ସମସ୍ତଙ୍କୁ ବାହାରକୁ ବାହାରିବା ପାଇଁ କୁହାଯାଇଥିଲା । ପରେ ବିମାନ ମଧ୍ୟରେ ସର୍ଚ୍ଚ ଅପରେସନ କରାଯାଇଥିଲା । କିନ୍ତୁ କୌଣସି ସନ୍ଦେହ ଜନକ ବସ୍ତୁ ମିଳିନଥିବା ସିଆଇଏସଏଫ ଓ ଦିଲ୍ଲୀ ପୋଲିସର ବରିଷ୍ଠ ଅଧିକାରୀ ସୂଚନା ଦେଇଛନ୍ତି ।