ଲକ୍ଷ୍ନୌ: ବଲିଉଡର ଲୋକପ୍ରିୟ ଗାୟିକା ନେହା କକ୍କରଙ୍କ ସମ୍ପର୍କିୟ ଭାଇ ତଥା ବରେଲି ମହାନଗରର ବିପେଜି ଉପାଧ୍ୟକ୍ଷଙ୍କ ଗୁଳିରେ ଜଣେ ଛାତ୍ର ଗୁରୁତର । ଡାକ୍ତରଖାନାରେ ଛାତ୍ର ଜଣଙ୍କର ଚିକିତ୍ସା ଚାଲୁଥିବାବେଳେ ସ୍ବାସ୍ଥ୍ୟବସ୍ଥା ଗୁରୁତର ଥିବା ଜଣାପଡ଼ିଛି । ଏହି ଘଟଣାରେ ପୋଲିସ ଏକ ମାମଲା ରୁଜୁ କରି ଅଭିଯୁକ୍ତଙ୍କୁ ଗିରଫ କରିଛି ।
ସୂଚନାମୁତାବକ, ଗତ ବୁଧବାର ବିଳମ୍ବିତ ରାତିରେ ବିଜେପି ନେତା ତଥା ନେହା କକ୍କରଙ୍କ ସମ୍ପର୍କିୟ ଭାଇ ପ୍ରଦୀପ ଅଗ୍ରୱାଲ ବଦାୟୁଁ ନିକଟରେ ଏକ ବାଇକକୁ ଧକ୍କା ଦେଇଥିଲେ । ଯାହା ଫଳରେ ବାଇକ ଚାଳକ ଏବଂ ପ୍ରଦୀପଙ୍କ ମଧ୍ୟରେ ଯୁକ୍ତିତର୍କ ହୋଇଥିଲା । ଏହାପରେ ସେ ରିଭଲଭରରେ ବାଇକ ଚାଳକଙ୍କୁ ଗୁଳି ଚାଳନା କରିଥିଲେ । ଆହତଙ୍କୁ ଗୁରୁତର ଅବସ୍ଥାରେ ଡାକ୍ତରଖାନାରେ ଭର୍ତ୍ତି କରାଯାଇଛି । ଏହି ଘଟଣାରେ ପ୍ରଦୀପଙ୍କ ବିରୋଧରେ ସୁଭାଷନଗର ପୋଲିସ ଷ୍ଟେସନରେ ଏକ ମାମଲା ରୁଜୁ କରି ଜେଲକୁ ପଠାଇ ଦିଆଯାଇଛି ।