ରାୟପୁର: ଛତିଶଗଡରେ କୋରୋନାର କରାଳ ରୂପ। ସରକାରୀ ହସ୍ପିଟାଲରୁ ଆସିଲା ଚକିତ କଲା ଭଳି ଭିଡିଓ। ରାଜ୍ୟରେ କୋରୋନାର ଦ୍ବିତୀୟ ଲହରି ଭୟଙ୍କର ଭାବେ ମାଡିବାରେ ଲାଗିଛି । ମୃତ୍ୟୁ ସଂଖ୍ୟା ଲାଗୁନି ବ୍ରେକ। ଫଳରେ ଶବ ଗୃହ ଭର୍ତ୍ତି ହୋଇଯିବାରୁ ହସ୍ପିଟାଲ ବାରଣ୍ଡା ଓ ବାହାରେ ପଡି ରହିଛି କୁଢ କୁଢ ମୃତଦେହ ।
ଛତିଶଗଡରେ ସାଙ୍ଘାତିକ କୋରୋନା ସ୍ଥିତି
ପ୍ଲାଷ୍ଟିକ ଜରିରେ ଗୁଡା ହୋଇ ମୃତଦେହଗୁଡିକୁ ରଖାଯାଇଛି । କେଉଁଠି ତଳେ ପଡିଛି ତ ଆଉ କେଉଁଠି ଷ୍ଟ୍ରେଚର ଉପରେ ଥୁଆ ହୋଇଛି । ଏହି ଦୃଶ୍ୟଟି ଭୀମ ରାଓ ଆମ୍ବେଦକର ମେମୋରିଆଲ ସରକାରୀ ହସ୍ପିଟାଲ ହୋଇଥିବାବେଳେ ସୋମବାର ଭିଡିଓ ଉତ୍ତୋଳନ କରାଯାଇଛି ।