ଗଙ୍ଗାରେ ଓଲଟିଲା ଡଙ୍ଗା: 7 ଉଦ୍ଧାର, ଅନେକ ନିଖୋଜ

ଗଙ୍ଗା ନଦୀରେ ଓଲଟିଲା ଡଙ୍ଗା । ଏହି ଦୁର୍ଘଟଣାରେ 7 ଜଣଙ୍କୁ ଉଦ୍ଧାର କରାଯାଇ ଥିବାବେଳେ ଅନେକ ଲୋକ ନିଖୋଜ ଥିବା ଜଣାଯାଇଛି । ତେବେ ନିଖୋଜ ଲୋକଙ୍କ ସନ୍ଧାନ ପାଇଁ ଏନଡିଆରଏଫଙ୍କୁ ନିୟୋଜିତ କରାଯାଇଛି । ଅଧିକ ପଢନ୍ତୁ...

ଲକ୍ଷ୍ନୌ: ରବିବାର ସନ୍ଧ୍ୟାରେ ବାରଣାସୀରେ ଘଟିଛି ଏକ ବଡ଼ ଧରଣର ଦୁର୍ଘଟଣା । ଗଙ୍ଗା ନଦୀରେ ଓଲଟିଲା ଡଙ୍ଗା । ଏହି ଦୁର୍ଘଟଣାରେ 7 ଜଣଙ୍କୁ ଉଦ୍ଧାର କରାଯାଇ ଥିବାବେଳେ ଅନେକ ଲୋକ ନିଖୋଜ ଥିବା ଜଣାଯାଇଛି । ତେବେ ନିଖୋଜ ଲୋକଙ୍କ ସନ୍ଧାନ ପାଇଁ ଏନଡିଆରଏଫଙ୍କୁ ନିୟୋଜିତ କରାଯାଇଛି ।

ସୂଚନା ଅନୁଯାୟୀ, ରବିବାର ଛୁଟି ଦିନ ଥିବାରୁ କିଛି ଲୋକ ଡଙ୍ଗାରେ ବୁଲିବା ପାଇଁ ବାହାରିଥିଲେ । ଏହି ସମୟରେ ଭଦୈନୀ ଘାଟ ସାମ୍ନାରେ ଡଙ୍ଗାରେ ବସିଥିବା ଲୋକେ ସେଲ୍ଫି ନେବାରେ ବ୍ୟସ୍ତ ଥିବା ବେଳେ ଡଙ୍ଗାଟି ଭାରସାମ୍ୟ ହରାଇ ଓଲଟି ଯାଇଥିଲା । ତେବେ ଚିତ୍କାର ଶୁଣି ସ୍ଥାନୀୟ କିଛି ଲୋକ ପାଣିକୁ ଡେଇଁ 7 ଜଣଙ୍କୁ ଉଦ୍ଧାର କରିଥିଲେ । ସୂଚନା ପାଇ ଅଧିକାରୀ ଓ ପୁଲିସ ବଳ ଘଟଣାସ୍ଥଳରେ ପହଞ୍ଚି ପାଣି ବୁଡାଳିଙ୍କ ସାହାଯ୍ୟରେ ନିଖୋଜ ଲୋକଙ୍କ ସନ୍ଧାନ ଜାରି ରହିଛି ।

ଏସପି ସିଟି ଅନୁଯାୟୀ, ଉଦ୍ଧାର ହୋଇଥିବା ଅଧିକାଂଶ ଲୋକ ସ୍ଥାନୀୟ ବାସିନ୍ଦା । ସ୍ଥାନୀୟ ଲୋକଙ୍କ ଅନୁଯାୟୀ ଡଙ୍ଗାରେ ସେଲଫି ନେବା କାରଣରୁ ଏମିତି ଘଟଣା ଘଟିଛି । ନାବିକ ମନୋଜ କୁମାର ସାହାନୀଙ୍କ ଅନୁଯାୟୀ, ଡଙ୍ଗାର କ୍ଷମତା ୧୨ ଜଣ । କିନ୍ତୁ ଅନେକ ଥର ମନା କରିବା ସତ୍ଵେ ବି କେହି ନଶୁଣି ସେଲ୍ଫି ନେବାରୁ ଡଙ୍ଗାଟି ଭାରସାମ୍ୟ ହରାଇ ଓଲଟି ପଡ଼ିଥିଲା । ତେବେ କିଛି ଲୋକଙ୍କ ସୂଚନା ଅନୁଯାୟୀ ଡଙ୍ଗାରେ ୧୨ ରୁ ୧୫ ଜଣ ଲୋକ ବସିଥିଲେ ।