ଆସାମରେ ବ୍ରହ୍ମପୁତ୍ର ନଦୀରେ ବୁଡିଗଲା ବୋଟ, ଏକାଧିକ ନିଖୋଜ

ଆସାମର ଦ୍ରୁବି ଜିଲ୍ଲାରେ ବ୍ରହ୍ମପୁତ୍ର ନଦୀରେ ବୁଡିଗଲା ବୋଟ (several missing in boat capsized)। ଏକାଧିକ ନିଖୋଜ । ଅଧିକ ପଢନ୍ତୁ

ଗୌହାଟୀ:ଆସାମର ଦ୍ରୁବି ଜିଲ୍ଲାରେ ବ୍ରହ୍ମପୁତ୍ର ନଦୀରେ ଏକ ଦେଶୀ ଡଙ୍ଗା ବୁଡିଯିବା ଫଳରେ 7 ଯାତ୍ରୀ ନିଖୋଜ ହୋଇଯାଇଛନ୍ତି । ଡଙ୍ଗାରେ କ୍ଷମତାଠାରୁ ଅଧିକ ଯାତ୍ରୀ ଥିବାରୁ ଏହି ଅଘଟଣ ଘଟିଛି (several missing in boat capsized)। ଘଟଣାସ୍ଥଳରେ ଉଦ୍ଧାରକାରୀ ଟିମ ପହଞ୍ଚି ଅପରେସନ ଜାରି ରଖିଛନ୍ତି । ଉକ୍ତ ଡଙ୍ଗାରେ ଅତି କମ୍‌ରେ ୫୦ ଜଣ ଯାତ୍ରୀ ଯାତ୍ରା କରୁଥିଲେ । ଘଟଣାସ୍ଥଳରେ ସ୍ଥାନୀୟ ପ୍ରଶାସନିକ ଅଧିକାରୀ ପହଞ୍ଚି ଉଦ୍ଧାର କାର୍ଯ୍ୟର ତଦାରଖ କରୁଛନ୍ତି ।

ଏହାକୁ ନେଇ ରାଜ୍ୟର ବିପର୍ଯ୍ୟୟ ପରିଚାଳନା ପ୍ରାଧିକରଣ ମୁଖ୍ୟ ଜ୍ଞାନେନ୍ଦ୍ର ଦେବ ତ୍ରିପାଠୀ କହିଛନ୍ତି, "ଘଟଣା ସମ୍ପର୍କରେ ସୂଚନା ମିଳିବା ପରେ ତୁରନ୍ତ ଉଦ୍ଧାରକାରୀ ଦଳ ପହଞ୍ଚି ଉଦ୍ଧାର କାର୍ଯ୍ୟ ଆରମ୍ଭ କରିଛନ୍ତି ।"

ବ୍ରହ୍ମପୁତ୍ର ନଦୀରେ ୭ ଜଣ ଯାତ୍ରୀ ନିଖୋଜ ରହିଛନ୍ତି । ସେମାନଙ୍କ ମଧ୍ୟରେ ଦ୍ରୁବିର ସର୍କଲ ଅଫିସର ମଧ୍ୟ ସାମିଲ ରହିଛନ୍ତି । ନିଖୋଜଙ୍କୁ ଖୋଜିବା ପାଇଁ ଉଦ୍ଧାରକାରୀ ଦଳ ସମସ୍ତ ପ୍ରକାର ଚେଷ୍ଟା ଚଳାଇଛନ୍ତି ।

ତେବେ ଅଘଟଣ ସମୟର ଭିଡିଓ ମଧ୍ୟ ମୋବାଇଲ କ୍ୟାମେରାରେ କଏଦ ହୋଇଛି (several missing in boat capsized)। ପ୍ରତ୍ୟେକ୍ଷଦର୍ଶୀଙ୍କ ଠାରୁ ମିଳିଥିବା ସୂଚନା ଅନୁସାରେ, ଉକ୍ତ ଦେଶୀ ଡଙ୍ଗାରେ ସଂଖ୍ୟାଧିକ ଯାତ୍ରୀଙ୍କ ସହ 10ଟି ମୋଟରସାଇକେଲ ମଧ୍ୟ ଥିଲା । ପ୍ରଥମେ 15 ଜଣଙ୍କୁ ସୁରକ୍ଷିତ ଉଦ୍ଧାର କରାଯାଇଥିବା ମଧ୍ୟ ସୂଚନା ମିଳିଥିଲା । ନିଖୋଜଙ୍କ ମଧ୍ୟରେ ସ୍କୁଲ ଛାତ୍ରଛାତ୍ରୀ ମଧ୍ୟ ଥିବା କୁହାଯାଉଛି । ପ୍ରଶାସନିକ ଅଧିକାରୀ ଉଦ୍ଧାର କାର୍ଯ୍ୟ ଜାରି ରଖିଛନ୍ତି ।

ବ୍ୟୁରୋ ରିପୋର୍ଟ, ଇଟିଭି ଭାରତ