ହାଇଦ୍ରାବାଦ:ଝାଡଖଣ୍ଡ ଚାଇବସାରେ ନକ୍ସଲ ବିରୋଧୀ ଅପରେସନ ବେଳେ ବିସ୍ଫୋରଣ ଘଟି କେନ୍ଦ୍ରୀୟ ରିଜର୍ଭ ପୋଲିସ ବଳର 5ଯବାନ ଗୁରୁତର ହୋଇଛନ୍ତି । ତନ୍ତୋ ପୋଲିସ ଷ୍ଟେସନ ଅଞ୍ଚଳରେ ଏହି ବିସ୍ଫୋରଣ ଘଟିଥିବା ସୂଚନା ମିଳିଛି । କମ୍ବିଂ ଅପରେସନରେ ଏହି ଯାବାନମାନେ ସାମିଲ ଥିଲେ । ଗୁରୁତର ଯବାନଙ୍କୁ ରାଜଧାନୀ ରାଞ୍ଚିକୁ ଏୟାରଲିଫ୍ଟ କରାଯାଇଥିବା ସୂଚନା ମିଳିଛି । କମ୍ବିଂ ଅପରେସନ ପୂର୍ବରୁ ID ରଖାଯାଇଥିଲା । ଘଟଣାସ୍ଥଳରେ ପୋଲିସ ଓ କେନ୍ଦ୍ରୀୟ ଫୋର୍ସ ପହଞ୍ଚିଛନ୍ତି । ସମଗ୍ର ଅଞ୍ଚଳକୁ ଘେରାବନ୍ଦୀ କରି ସର୍ଚ୍ଚ ଅପରେସନକୁ ବ୍ୟାପକ କରାଯାଇଛି ।
ଆଜି ଅପରାହ୍ନରେ ଚାଇବସାର ନିକଟସ୍ଥ ଜଙ୍ଗଲରେ ଏହି କମ୍ବିଂ ଜାରି ରହିଥିଲା । CRPF ଯବାନଙ୍କ ସହ ସ୍ଥାନୀୟ ପୋଲିସର ଯବାନ ମଧ୍ୟ ଅପରେସନରେ ସାମିଲ ହୋଇଥିଲେ । ଏହି ସମୟରେ ବିସ୍ଫୋରଣ ଘଟିଥିଲା । ଏଥିରେ 5 କେନ୍ଦ୍ରୀୟ ଫୋର୍ସର ଯବାନ ଆହତ ହୋଇଥିଲେ । ଯବାନଙ୍କୁ ଉଦ୍ଧାର କରି ପ୍ରଥମେ ସ୍ଥାନୀୟ ହସ୍ପିଟାଲ ଓ ପରେ ରାଜଧାନୀ ରାଞ୍ଚିକୁ ଏୟାରଲିଫ୍ଟ କରାଯାଇଛି । ଯବାନଙ୍କ ଅବସ୍ଥା ଗମ୍ଭୀର ରହିଛି ।
ଧନବାଦ ବିସ୍ଫୋରଣରେ 4ଜଣ ଆହତ ହେବାର ମାତ୍ର ଗୋଟିଏ ଦିନ ପରେ ଏହି ଘଟଣା ସାମ୍ନାକୁ ଆସିଛି । ଧନବାଦରେ ଏକ ବାଇକ ଡିକିରେ ରଖାଯାଇଥିବା ବୋମା ବିସ୍ଫୋରଣ ହୋଇଥିଲା । ଏଥିରେ ସମ୍ପୃକ୍ତ ବାଇକ ଆରୋହୀଙ୍କ ସମତେ 3ମହିଳାଙ୍କୁ ମିଶାଇ ମୋଟ 4ଜଣ ଆହତ ହୋଇଥିଲେ । ଯାହାର ତଦନ୍ତ ଜାରି ରହିଛି । ଏବେ ପୁଣି ଏକ ନକ୍ସଲ ବିସ୍ଫୋରଣରେ ଯବାନ ଆହତ ହେବା ଘଟଣା ସାମ୍ନାକୁ ଆସିଛି ।