ଲକ୍ଷ୍ନୌ:ଉତ୍ତରପ୍ରଦେଶ ପଞ୍ଚାୟତ ନିର୍ବାଚନରେ ବିଜେପିର ବାଜିମାତ । ଜିଲ୍ଲା ପରିଷଦ ନର୍ବାଚନରେ ବିଜେପି ମୋଟ 75 ଟି ଆସନରୁ 67 ଆସନରେ ବିଜୟ ଲାଭ କରିଛି ବିଜେପି । ଏହାକୁ ନେଇ ଆସନ୍ତା ବର୍ଷ ହେବାକୁ ଥିବା ବିଧାନସଭା ନିର୍ବାଚନରେ ଆମ ବିଜୟ ନିଶ୍ଚିତ ବୋଲି କହିଛନ୍ତି ଉତ୍ତରପ୍ରଦେଶ ବିଜେପି ସଭାପତି ସ୍ବତନ୍ତ୍ର ଦେବ ସିଂହ ।
2022 ରେ ଉତ୍ତରପ୍ରଦେଶରେ ବିଧାନସଭା ନିର୍ବାଚନ । ଏହା ପୂର୍ବରୁ ୟୁପିରେ ହୋଇଛି ପଞ୍ଚାୟତ ନିର୍ବାଚନ । ନିକଟରେ ଅନୁଷ୍ଠିତ ହୋଇଥିବା ମୋଟ 75 ଜିଲ୍ଲା ପରିଷଦ ନିର୍ବାଚନରେ ବିଜେପି ଏକାକି 67 ଟି ଆସନରେ ବିଜୟ ହାସଲ କରିଛି । ଏହି ନିର୍ବାଚନରେ ବିଜେପି, ସମାଜବାଦୀ ପାର୍ଟି, କଂଗ୍ରେସ ଓ ଅନ୍ୟ ଆଞ୍ଚଳିକ ଦଳ ଗୁଡିକ ମଧ୍ୟ ଭାଗ ନେଇଥିଲେ । କିନ୍ତୁ ବିଜେପି ସମସ୍ତଙ୍କୁ ପରାଜୟର ରାସ୍ତା ଦେଖାଇଛି । ଆସନ୍ତାବର୍ଷ ହେବାକୁ ଥିବା ବିଧାନସଭା ନିର୍ବାଚନରେ ବିଜେପି ସରକାର ଗଠନ କରିବା ନିଶ୍ଚିତ ବୋଲି କହିଛନ୍ତି ବିଜେପି ରାଜ୍ୟ ସଭାପତି ସ୍ବତନ୍ତ୍ରଦେବ ସିଂହ । ଏହି ଫଳାଫଳ ବିଜେପିର ଲୋକପ୍ରିୟତାକୁ ଦର୍ଶାଉଛି ।