ହାଇଦ୍ରାବାଦ:ଗୁଜୁରାଟରେ ପ୍ରଚଣ୍ଡ ବହୁମତ ସହ 6ଷ୍ଠ ଥର ପାଇଁ ସରକାର ଗଠନ କରିବାକୁ ଯାଉଛି ଭାରତୀୟ ଜନତା ପାର୍ଟି (Bhupendra Patel wins in Gujarat) । ସୋମବାର (12 ତାରିଖ) ରେ ମୁଖ୍ୟମନ୍ତ୍ରୀ ଭୂପେନ୍ଦ୍ର ପଟେଲ ଶପଥ ଗ୍ରହଣ କରିବେ । ଏହି କାର୍ଯ୍ୟକ୍ରମରେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ଓ କେନ୍ଦ୍ର ଗୃହମନ୍ତ୍ରୀ ଅମିତ ଶାହ ଯୋଗଦେବେ (Gujarat new cm oath ceremony)। ଏନେଇ ରଜ୍ୟ ବିଜେପି ଅଧ୍ୟକ୍ଷ ସି.ଆର ପାଟିଲ ସୂଚନା ଦେଇଛନ୍ତି । ବିଜେପିର ଐତିହାସିକ ସଫଳତା ପରେ ଭୂପେନ୍ଦ୍ରଙ୍କୁ ଶୁଭେଚ୍ଛାର ସୁଅ ଛୁଟିବାରେ ଲାଗିଛି । ପୂର୍ବରୁ ଦଳ ତାଙ୍କୁ ମୁଖ୍ୟମନ୍ତ୍ରୀ ଭାବେ ମଧ୍ୟ ଘୋଷଣା କରିସାରିଛି ।
ଫଳାଫଳ ପରେ ଭୂପେନ୍ଦ୍ର ପଟେଲ ସାମ୍ବାଦିକ ସମ୍ମିଳନୀ ମଧ୍ୟ କରିଛନ୍ତି । ଲୋକେ ବିକାଶର ଧାରାକୁ ଭୋଟ ଦେଇଛନ୍ତି । ଦଳ ଜନମତକୁ ସମ୍ମାନ ଦେଉଛନ୍ତି । ଲୋକଙ୍କ ପାଇଁ ପୂର୍ବ ପରି ବିକାଶମୂଳକ କାର୍ଯ୍ୟର ଧାରା ଜାରି ରହିବ । ବିଜେପିର ପ୍ରତ୍ୟେକ କାର୍ଯ୍ୟକର୍ତ୍ତା ଜନସେବା ପାଇଁ ସମର୍ପିତ ବୋଲି ପଟେଲ କହିଛନ୍ତି ।