ଲକ୍ଷ୍ନୌ: ଉତ୍ତର ପ୍ରଦେଶ MLC ନିର୍ବାଚନ ପାଇଁ ଆଜି (ଶନିବାର) 30 ଜଣିଆ ପ୍ରାର୍ଥୀ ଘୋଷଣା କଲା ଭାରତୀୟ ଜନତା ପାର୍ଟି (ବିଜେପି) ପ୍ରଥମ ପର୍ଯ୍ୟାୟ ପାଇଁ ହେବାକୁ ଥିବା ନିର୍ବାଚନ ପାଇଁ 30 ଜଣିଆ ପ୍ରାର୍ଥୀ ଘୋଷଣା କରିଛି ଦଳ ।
ଦଳ ଆଜମଗଡ ଫୁଲପୁରରୁ ପୂର୍ବତନ ବିଧାୟକ ଅରୁଣ କାନ୍ତ ଯାଦବଙ୍କୁ ଟିକେଟ ଦେଇଛି । ପ୍ରଥମ ପର୍ଯ୍ୟାୟ ନିର୍ବାଚନ ପାଇଁ 21 ମାର୍ଚ୍ଚ ରହିଛି ନାମାଙ୍କନ ଦାଖଲର ଶେଷ ଦିନ । କାରଣ ଗତ ବୁଧବାର MLC ନିର୍ବାଚନ ପାଇଁ ନାମାଙ୍କନ ଦାଖଲ ତାରିଖ ବୃଦ୍ଧି କରାଯାଇଥିଲା । 19 ମାର୍ଚ୍ଚ ବଦଳରେ 21 ମାର୍ଚ୍ଚ ପର୍ଯ୍ୟନ୍ତ ବୃଦ୍ଧି କରାଯାଇଛି । 36 ଆସନ ପାଇଁ ହେବାକୁ ଥିବା ନିର୍ବାଚନରେ ଗତ 15 ତାରିଖରୁ ନାମାଙ୍କନ ଦାଖଲ ପ୍ରକ୍ରିୟା ଆରମ୍ଭ ହୋଇଯାଇଛି । ପ୍ରଥମ ପର୍ଯ୍ୟାୟ ନିର୍ବାଚନ ପାଇଁ ଏପ୍ରିଲ 9 ରେ ନିର୍ବାଚନ ହେବାକୁ ଥିବା ବେଳେ 12 ଏପ୍ରିଲରେ ଫଳାଫଳ ପ୍ରକାଶ ପାଇବ ।
ବିଧାନ ପରିଷଦର କାର୍ଯ୍ୟକାଳ ବିଧି ଓ ବ୍ୟବସ୍ଥା
ୟୁପି ବିଧାନ ପରିଷଦର ମୋଟ ଆସନ ସଂଖ୍ୟା ବର୍ତ୍ତମାନ ରହିଛି 100 । ବିଧାନ ପରିଷଦର ସମସ୍ତ ସଦସ୍ୟ 6 ବର୍ଷ ପାଇଁ ନିର୍ବାଚିତ ହୋଇଥାନ୍ତି । ତେବେ ଏହି 100 ସଦସ୍ୟ ଭିନ୍ନ ଭିନ୍ନ ପ୍ରକ୍ରିୟାରେ ନିର୍ବାଚିତ ହୋଇ ବିଧାନ ପରିଷଦକୁ ପହଞ୍ଚିଥାନ୍ତି । 100 ସଦସ୍ୟଙ୍କ ମଧ୍ୟରୁ 36 ସଦସ୍ୟ ସ୍ଥାନୀୟ ଲୋକ ପ୍ରତିନିଧୀଙ୍କ ଦ୍ବାରା ନିର୍ବାଚିତ ହୋଇଥାନ୍ତି । ଏହାବାଦ 1-12 ଜଣ ସଦସ୍ୟ ଅର୍ଥାତ 8-8 ଆସନ ପାଇଁ ଶିକ୍ଷକଙ୍କ ପାଇଁ ସଂରକ୍ଷିତ ରହିଛି । ଏତତ ବ୍ୟତୀତ 10 ଜଣ ସଦସ୍ୟ ବିଭିନ୍ନ କ୍ଷେତ୍ରରୁ ବିଶେଷଜ୍ଞଙ୍କୁ ରାଜ୍ୟପାଳ ମନୋନୀତ କରିଥାନ୍ତି । ଅବଶିଷ୍ଟ 38 ସଦସ୍ୟ ବିଧାୟକଙ୍କ ଦ୍ବାରା ନିର୍ବାଚିତ ହୋଇ ଆସିଥାନ୍ତି ।
ବିଧାନ ପରିଷଦରେ ସପା ସଂଖ୍ୟା ଗରିଷ୍ଠ
ଉତ୍ତର ପ୍ରଦେଶ ବିଧାନ ପରିଷଦରେ ବର୍ତ୍ତମାନ 100 ଆସନ ଥିବା ବେଳେ ସଂଖ୍ୟା ଗରିଷ୍ଠତା ପାଇଁ 51 ସଦସ୍ୟଙ୍କ ସମର୍ଥନ ଆବଶ୍ୟକ ହୋଇଥାଏ । ତେବେ ବର୍ତ୍ତମାନ 48 ସଦସ୍ୟ ସହ ସମାଜବାଦୀ ପାର୍ଟି ସଂଖ୍ୟା ଗରିଷ୍ଠତା ରଖିଛି । 36 ସଦସ୍ୟ ସହ ବିଜେପି ଦ୍ବିତୀୟ ସ୍ଥାନରେ ରହିଛି । କିନ୍ତୁ ଚଳିତ ଥର ପୁଣି ଥରେ ଗଣିତ ଓଲଟପାଟ ହେବା ସହ ବିଜେପି ଏକାକି ସଂଖ୍ୟା ଗରିଷ୍ଠତା ହାସଲ କରିବାରେ ସମ୍ଭାବନ ରହିଛି ।
ବ୍ୟୁରୋ ରିପୋର୍ଟ, ଇଟିଭି ଭାରତ
