ହାଇଦ୍ରାବାଦ: ସୁଶାନ୍ତ ସିଂ ମୃତ୍ୟୁ ମାମଲାରେ ନୂଆ ଟିଷ୍ଟ୍ ଆସିଛି । ଏହା ଆତ୍ମହତ୍ୟା ନୁହେଁ ବରଂ ହତ୍ୟା ବୋଲି ଅଭିଯୋଗ ଆଣିଲେ ବଡ଼ ଭାଇ । ସନ୍ଦେହଜନକ ପରିସ୍ଥିତିରେ ସୁଶାନ୍ତ ସିଂ ରାଜପୁତଙ୍କ ମୃତ୍ୟୁ ମାମଲାରେ ତାଙ୍କ ବଡ଼ ଭାଇ ଓ ନୀରଜ କୁମାର ବାବୁଙ୍କର ଏକ ବଡ଼ ବିବୃତ୍ତି ସାମ୍ନାକୁ ଆସିଛି । ଅଭିନେତାଙ୍କ ବଡ ଭାଇ ଓ ଛତାପୁର ବିଧାନସଭାର ପୂର୍ବତନ ବିଜେପି ବିଧାୟକ ନୀରଜ କୁମାର ବବଲୁ କହିଛନ୍ତି ଯେ 'ସୁଶାନ୍ତଙ୍କ ସିଂହଙ୍କ ମୃତ୍ୟୁ ମାମଲାରେ ଯେଉଁ ଘଟଣା ସାମ୍ନାକୁ ଆସୁଛି, କପୁର୍ ହସ୍ପିଟାଲରେ ପୋଷ୍ଟମର୍ଟମ କର୍ମଚାରୀମାନେ କ’ଣ କହୁଛନ୍ତି, ଆମେ ମଧ୍ୟ ଏସବୁ କହିଛୁ । ଆମେ ପୂର୍ବରୁ କହିଥିଲୁ ଯେ ସୁଶାନ୍ତ ସିଂ କେବେ ବି ଆତ୍ମହତ୍ୟା କରିପାରିବେ ନାହିଁ ।
ସୁଶାନ୍ତ ସିଂ ମୃତ୍ୟୁ ମାମଲାରେ ନୂଆ ଟିଷ୍ଟ, ହତ୍ୟା ଅଭିଯୋଗ ଆଣିଲେ ବଡ଼ ଭାଇ
ପୁଣି ଚର୍ଚ୍ଚାରେ ସୁଶାନ୍ତ ସିଂ ମୃତ୍ୟୁ ମାମଲା । ଆତ୍ମହତ୍ୟା ନୁହେଁ ବରଂ ହତ୍ୟା ବୋଲି ଅଭିଯୋଗ ଆଣିଲେ ବଡ଼ ଭାଇ । ଉଦ୍ଧବ ଠକରେଙ୍କୁ କଲେ ଟାଗେର୍ଟ । ଅଧିକ ପଢ଼ନ୍ତୁ
sushant singh rajput suicide case
ପୋଷ୍ଟମର୍ଟମ କର୍ମଚାରୀଙ୍କ ଦ୍ବାରା ପ୍ରକାଶ ତଥ୍ୟ:ନିକଟ ଅତୀତରେ ସୁଶାନ୍ତଙ୍କ ମୃତ୍ୟୁ ପରେ ପୋଷ୍ଟମର୍ଟମ କର୍ମଚାରୀମାନେ କିଛି ଖୁଲାସା କରିଥିବା ବେଳେ ନୀରଜ କୁମାର ବବଲୁ ଏହା କହିଛନ୍ତି । ପ୍ରକୃତରେ, ଦୁଇ ସପ୍ତାହ ପୂର୍ବେ ସୁଶାନ୍ତଙ୍କ ଶରୀରର ପୋଷ୍ଟମର୍ଟମ କରିଥିବା ରୂପକୁମାର ଶାହା ଏହି ଅଭିନେତାଙ୍କୁ ହତ୍ୟା କରାଯାଇଥିବା ଦାବି କରିଥିଲେ। ସେ କହିଥିଲେ ଯେ 'ଯେତେବେଳେ ସେ ସୁଶାନ୍ତଙ୍କ ମୃତଦେହ ଦେଖିଥିଲେ ସେତେବେଳେ ସେ ଆତ୍ମହତ୍ୟା ମାମଲା ବୋଲି ଭାବି ନଥିଲେ। ଗଣମାଧ୍ୟମ ସହ କଥାବାର୍ତ୍ତା କରି ରୂପକୁମାର କହିଛନ୍ତି, 'ସେ ଜୁନ୍ 14-06-2020ରେ ଡ୍ୟୁଟିରେ ଥିଲେ । ସେତେବେଳେ ଜଣେ VIPଙ୍କ ମୃତେଦହ ଆସିଥିଲା । ତାଙ୍କର ପୋଷ୍ଟମର୍ଟମ ନମ୍ବର ରାତି ପ୍ରାୟ ୧୧ଟାରୁ ୧୨ଟା ଭିତରେ ଆସିଥିଲା । ମୃତଦେହକୁ ନିକଟରୁ ଦେଖିବା ପରେ ଏହା ସୁଶାନ୍ତ ସିଂ ରାଜପୁତଙ୍କ ମୃତଦେହ ବୋଲି ଜାଣିବାକୁ ପାଇଥିଲୁ । | ଯେତେବେଳେ ସୁଶାନ୍ତଙ୍କ ଶରୀରର ପୋଷାକ ଖୋଲିଲୁ, ମୃତ ଦେହ କିଛି ଅଲଗା ଦେଖାଯାଉଥିଲା । ଶରୀରରେ ଏକାଧିକ ଆଘାତ ଚିହ୍ନ ଥିବା ଦେଖିବାକୁ ମିଳିଥିବା ରୂପକୁମାର କହିଥିଲେ ।
NCB ରିପୋର୍ଟ ଆସିବା ପରେ ବିଧାୟକ ନୀରଜ କୁମାର ବାବୁ ଜୁଲାଇ ୨୦୨୨ରେ ମଧ୍ୟ ସମାନ ପ୍ରତିକ୍ରିୟା ଦେଇଥିଲେ । ବିହାର ସରକାରରେ ସ୍ୱର୍ଗତ ଅଭିନେତା ସୁଶାନ୍ତ ସିଂ ରାଜପୁତଙ୍କ ସମ୍ପର୍କୀୟ ତଥା ପରେ ଜଙ୍ଗଲ ପରିବେଶ ତଥା ଜଳବାୟୁ ମନ୍ତ୍ରୀ ନୀରଜ କୁମାର ବବଲୁ ଗଣମାଧ୍ୟମକୁ କହିଛନ୍ତି ଯେ, ରିୟାଙ୍କ ସମେତ ୩୪ ଜଣଙ୍କ ବିରୋଧରେ ଡ୍ରାଫ୍ଟ ଚାର୍ଜସିଟ ଦାଖଲ ହେବା ପରେ ଆମେ ଏହା କହିଛୁ । ଉଦ୍ଧବ ସରକାର ଘଟଣାକୁ ଲୁଚେଇବାକୁ ପ୍ରାୟସ କରିଛି । କିନ୍ତୁ ବର୍ତ୍ତମାନ ମହାରାଷ୍ଟ୍ରରେ ଶକ୍ତି ଏବଂ ଶାସନ ବଦଳିଛି । ସେଥିପାଇଁ ସତ୍ୟ ବର୍ତ୍ତମାନ ଧୀରେଧୀରେ ସାମ୍ନାକୁ ଆସୁଛି । ଗଣମାଧ୍ୟମ ସହ ବାର୍ତ୍ତାଳାପ ବେଳେ କହିଛନ୍ତି ଯେ ସୁଶାନ୍ତଙ୍କ ପ୍ରଶଂସକଙ୍କ ପାଇଁ ଏହା ଏକ ଭଲ କଥା । ସେ କହିଛନ୍ତି ଯେ ଅପରାଧୀମାନେ କେବେ ଦଣ୍ଡ ପାଇବେ ଆମେ ତାହାକୁ ଅପେକ୍ଷା କରିଛୁ ।
Last Updated : Jan 9, 2023, 9:20 PM IST