ନୂଆଦିଲ୍ଲୀ: ଗୋଆରେ ପ୍ରିୟଙ୍କା ଗାନ୍ଧୀ ଭଦ୍ରାଙ୍କୁ(Priyanka Gandhi Vadra) ଟାର୍ଗେଟ କଲେ ବିଜେପି ଆଇଟି ସେଲ ମୁଖ୍ୟ ଅମିତ ମାଲବୀୟା (BJP IT Cell Chief Amit Malaviya) । ସାରା ଦେଶ କୁନ୍ନୁର ହେଲିକପ୍ଟର ଦୁର୍ଘଟଣାକୁ ନେଇ ଶୋକ ମନାଉଥିବାବେଳେ ପ୍ରିୟଙ୍କା ଗାନ୍ଧୀ ଗୋଆରେ ନାଚ କରୁଛନ୍ତି ବୋଲି ଟ୍ବିଟ କରିଛନ୍ତି ବିଜେପି ନେତା ଅମିତ ମାଲବୀୟା । ଏହାକୁ ନେଇ ରାହୁଲ ଗାନ୍ଧୀଙ୍କୁ ମଧ୍ୟ ଟାର୍ଗେଟ କରିଛନ୍ତି ଅମିତ ମାଲବୀୟା ।
କଂଗ୍ରେସ ଉତ୍ତରପ୍ରଦେଶ ମହାସଚିବ ପ୍ରିୟଙ୍କା ଗାନ୍ଧୀ ଭଦ୍ରାଙ୍କ ଗୋଆ ଗସ୍ତ କରିଛନ୍ତି । ଗୋଆରେ କଂଗ୍ରେସର ଆଗାମୀ ନିର୍ବାଚନକୁ ନେଇ ବୈଠକ ମଧ୍ୟ କରିଛନ୍ତି । ଏହି ଅବସରରେ ଲୋକଙ୍କୁ ଭେଟିଛନ୍ତି ଏବଂ ସ୍ଥାନୀୟ ଅଞ୍ଚଳରେ ପାରମ୍ପରିକ ନାଚ କାର୍ଯ୍ୟକ୍ରମ ଆୟୋଜନ କରାଯାଇଥିଲା । ଏହି ନାଚରେ ପ୍ରିୟଙ୍କା ଗାନ୍ଧୀ ମଧ୍ୟ ସାମିଲ ହୋଇଥିଲେ ନିଜେ ମଧ୍ୟ ନାଚ କରିଥିଲେ।
ତେବେ ଏହାକୁ ନେଇ ବିଜେପି ତୀବ୍ର ପ୍ରତିକ୍ରିୟା ରଖିଛି । ଦେଶର ସର୍ବୋଚ୍ଚ ସେନାଧ୍ୟକ୍ଷଙ୍କ ସିଡିଏସ ଜେନରାଲ ରାୱତ ସମେତ ୧୩ ଜଣଙ୍କ ମୃତ୍ୟୁ ଘଟିଛି । ବର୍ତ୍ତମାନ ସାରା ଦେଶ ଶୋକରେ ବୁଡିଛି। ଏ ଭଳି ସମୟରେ ପ୍ରିୟଙ୍କା ଗାନ୍ଧୀ ନାଚ କରୁଛନ୍ତି ବୋଲି ବିଜେପି ଆଇଟି ସେଲ ମୁଖ୍ୟ ଅମିତ ମାଲବୀୟା କହିଛନ୍ତି । ଏହା ଅତ୍ୟ ଲଜ୍ଜାଜନକ ଘଟଣା ଏଭଳି ସମୟର କରିବା ଅନୁଚିତ । ସେହିଭଳି ରାହୁଲ ଗାନ୍ଧୀ ମଧ୍ୟ ୨୬/୧୧ ମୁମ୍ବାଇରେ ଆତଙ୍କବାଦୀ ଆକ୍ରମଣ ବେଳେ ସକାଳ ପର୍ଯ୍ୟନ୍ତ ପାର୍ଟୀ କରୁଥିଲେ ବୋଲି ଅମିିତ ମାଲବୀୟ ଟ୍ବିଟ କରିଛନ୍ତି ।
ସୂଚନାଥାଉକି ଗତ ବୁଧବାର ଦିନ ତାମିଲନାଡୁର ସୁଲୁର ଏୟାର ବେସର ୱେଲିଂଟନ ଏୟାର ଡିଫେନ୍ସ କଲେଜରେ ଯିବାବେଳେ ନୀଳଗିର ଅଞ୍ଚଳରେ ହେଲିକପ୍ଟର Mi17V5 ଦୁର୍ଘଟଣାଗ୍ରସ୍ତ ହୋଇଥିଲା । ଯେଉଁଥିଲେ ୧୪ ଜଣଙ୍କ ମଧ୍ୟରୁ ସିଡିଏସ ବିପିନ ରାୱତ ସମେତ ୧୩ ଜଣଙ୍କ ମୃତ୍ୟୁ ଘଟିଛି ।
ବ୍ୟୁରୋ ରିପୋର୍ଟ,ଇଟିଭି ଭାରତ
