ପାଟନା: ନିର୍ବାଚନୀ ରାଜନୀତିରେ ପୂନର୍ବାର ଏଣ୍ଟ୍ରି ମାରିଛନ୍ତି ବିଜେପିର ରାଷ୍ଟ୍ରୀୟ ମୁଖପାତ୍ର ତଥା ପୂର୍ବତନ କେନ୍ଦ୍ରମନ୍ତ୍ରୀ ଶାହନୱାଜ ହୁସେନ । ବିହାର ବିଧାନ ପରିଷଦ ନିର୍ବାଚନ ପାଇଁ ଶାହନୱାଜଙ୍କୁ ପ୍ରାର୍ଥୀ କରିଛି ବିଜେପି । 2014 ଲୋକସଭା ନିର୍ବାଚନରେ ମିଳିଥିବା ପରାଜୟ ପରେ ଏହା ପ୍ରଥମ ସୁଯୋଗ ଯେବେ ଶାହନୱାଜ ନିର୍ବାଚନୀ ମୈଦାନକୁ ଓହ୍ଲାଇବେ ।
2014ରେ ଶାହନୱାଜ ହୁସେନ ଭାଗଲପୁର ସଂସଦୀୟ କ୍ଷେତ୍ରରୁ ନିର୍ବାଚନ ହାରିଯାଇଥିଲେ । ତେବେ 2019 ନିର୍ବାଚନରେ ଦଳ ପକ୍ଷରୁ ତାଙ୍କୁ ଟିକଟ ମିଳିନଥିଲା । ଶାହନୱାଜ ହୁସେନ ଭାରତର ପୂର୍ବତନ ପ୍ରଧାନମନ୍ତ୍ରୀ ଅଟଳ ବିହାରୀ ବାଜପେୟୀଙ୍କ କାର୍ଯ୍ୟକାଳରେ ନାଗରିକ ଉନ୍ନୟନ ମନ୍ତ୍ରୀ ରହିଥିଲେ ।