ନୂଆଦିଲ୍ଲୀ: ତୃଳମୂଳ କଂଗ୍ରେସ ବିଧାୟକଙ୍କ ବିରୋଧରେ ଅଭିଯୋଗ ନେଇ ମୁଖ୍ୟ ନିର୍ବାଚନ କମିଶନ (Election Commission of India)ଙ୍କ ଆଜି ସଂଧ୍ୟାରେ ବିଜେପି ପ୍ରତିନିଧି ମଣ୍ଡଳ ସାକ୍ଷାତ କରିଛନ୍ତି । ତେବେ ଆଜି ସଂଧ୍ୟା ୫ଟା ସମୟରେ ବିଜେପିର ଏକ ପ୍ରତିନିଧି ମଣ୍ଡଳ ଇଲେକ୍ସନ କମିଶନ ଅଫ ଇଣ୍ଡିଆଙ୍କୁ ଭେଟି କାର୍ଯ୍ୟାନୁଷ୍ଠାନ ପାଇଁ ଦାବିପତ୍ର ପ୍ରଦାନ କରିଥିଲେ । ଏଥିସହ ପଶ୍ଚିମବଙ୍ଗରେ ମଧ୍ୟ ବିଜେପିର ଏକ ପ୍ରତିନିଧି ମଣ୍ଡଳ ଚିଫ୍ ଇଲେକ୍ଟୋରାଲ ଅଫିସରଙ୍କୁ ଅପରାହ୍ନ ୪ଟାରେ ସାକ୍ଷାତ କରିଛନ୍ତି ।
ତେବେ ପଶ୍ଟିମବଙ୍ଗ ଆସାନସୋଲ ଲୋକସଭା ଆସନ ପାଇଁ ହେବାକୁ ଥିବା ଉପନିର୍ବାଚନରେ ତୃଳମୂଳ କଂଗ୍ରେସ ବିଧାୟକ ନରେନ ଚକ୍ରବର୍ତ୍ତୀ ପ୍ରେସମିଟ ଜରିଆରରେ ଭୋଟରଙ୍କୁ ଧମକ ଦେଉଥିବା ଦେଖିବାକୁ ମିଳିଛି । ଏହାକୁ ବିରୋଧ କରି ବିଜେପି ନିର୍ବାଚନ କମିଶନଙ୍କୁ ଭେଟିବା ସହ କାର୍ଯ୍ୟାନୁଷ୍ଠାନ ଗ୍ରହଣ କରିବା ପାଇଁ ଦାବିପତ୍ର ପ୍ରଦାନ କରିବେ । ଏଥିରେ ପାଣ୍ଡେଭେଶ୍ବର ନିର୍ବାଚନ ମଣ୍ଡଳୀର ତୃଳମୂଳ କଂଗ୍ରେସ ବିଧାୟକ ନରେନ ଚକ୍ରବର୍ତ୍ତୀ ବିଜେପି କର୍ମୀ ଓ ଭୋଟରଙ୍କୁ ଧମକାଇବା ସହ ମତଦାନରୁ ବିରତ ରହିବାକୁ କହୁଛନ୍ତି ବୋଲି ଅଭିଯୋଗ ହୋଇଛି ।