ଶ୍ରୀନଗର: ଭଗବାନ ଯେବେ ଦିଅନ୍ତି ଛପର ଫାଡି ଦିଅନ୍ତି । ସେମିତି କିଛି ଘଟିଛି ଦକ୍ଷିଣ କଶ୍ମୀରର ଜଣେ ଯୁବକଙ୍କ ଭାଗ୍ୟରେ । ରାତାରାତି କୋଟିପତି ହୋଇଛନ୍ତି ଶାଲଗାମ ବିଜବେହାରର ୱାସିମ ରାଜାଙ୍କ ଜୀବନରେ । ଅନଲାଇନ ଫାଣ୍ଟାସି ଗେମିଙ୍ଗ ପ୍ଲାର୍ଟଫର୍ମ ( Dream11)ରେ 2 କୋଟି ଟଙ୍କା ଜିତିଛନ୍ତି ରାଜା । ଏ ନେଇ ତାଙ୍କ ପରିବାରରେ ଖୁସିର ଲହରୀ ଖେଳିଯାଇଛି । ଏ ନେଇ ୱାସିମ ରାଜା କହିଛନ୍ତି, ସେ ଶୋଇବାକୁ ଯାଇଥିବା ସମୟରେ ତାଙ୍କୁ ସାଙ୍ଗଙ୍କ ଫୋନ ଆସିଥିଲା ।
କ୍ରିକେଟ ଗେମିଙ୍ଗ ପ୍ଲାର୍ଟଫର୍ମରେ ଏକ ନମ୍ବରରେ ଆସୁଥିବା ନେଇ ଜଣାଇଥିଲେ । ଯାହା ପାଇଁ ସେ 2 କୋଟି ଟଙ୍କା ଜିତିଥିବା ଜାଣିବାକୁ ପାଇଥିଲେ । ଖବରକୁ ପ୍ରଥମେ ବିଶ୍ବାସ କରି ପାରିନଥିଲେ ରାଜା । ଗଣମାଧ୍ୟମରେ ଖବର ପ୍ରସାରଣ ହେବା ପରେ ସମ୍ପର୍କୀୟ ପରିବାର ତାଙ୍କୁ ଅଭିନନ୍ଦନ ଜଣାଇଥିଲେ । ଗତ 2 ବର୍ଷ ହେବ ସଫଳ ହେବାପାଇଁ ସେ ଚେଷ୍ଟା ଚଳେଇ ଆସୁଥିଲେ । ଶେଷରେ ସେ ଚୟନ କରିଥିବା ଡ୍ରିମ ଚୁଡାନ୍ତ ଏକାଦଶ ବିଜେତା ବୋଲି କହିଛନ୍ତି ୱାସିମ ରାଜା । ସେ ଆହୁରି କହିଛନ୍ତି, ''ରାତାରାତି କୋଟିପତି ହେବା ସ୍ବପ୍ନ ପରି ଲାଗୁଛି, ଆମର ଆର୍ଥିକ ସମସ୍ୟାକୁ ଦୂର କରିବ ଅର୍ଥରାଶି'' ।