ପାଟନା: କୋରୋନାକୁ ନେଇ ଅଭାବନୀୟ ଘଟଣା । ସ୍ତ୍ରୀକୁ କୋରୋନା ହେଲା ବୋଲି ମାରିଦେଲା ସ୍ବାମୀ । ଏହା ପରେ ନିଜେ ଆତ୍ମହତ୍ୟା କରିଛି। ଏପରି ଅଘଟଣ ବିହାରର ଚିତ୍ରଗୁପ୍ତ ନଗରରେ ଘଟିଛି । ମୃତ ଅଭିଯୁକ୍ତ ଜଣକ ରେଲୱେ ମାଷ୍ଟର ଥିବା ଜଣାପଡିଛି ।
ପତ୍ରକାର ପୋଲିସ ଷ୍ଟେସନ ଅନ୍ତର୍ଗତ ଚିତ୍ରଗୁପ୍ତ ନଗରର ଅତୁଲ ଲାଲ ଓ ତାଙ୍କ ସ୍ତ୍ରୀ ଏକ ଆପାର୍ଟମେଣ୍ଟରେ ରହୁଥିଲେ । ଅତୁଲଙ୍କ ସ୍ତ୍ରୀ ଏକ ଘରୋଇ କମ୍ପାନୀ କାମ କରୁଥିବା ବେଳେ କୋରୋନା ପଜିଟିଭ ହୋଇଥିଲା । ଯାହାକୁ ନେଇ ଅତୁଲ ତାଙ୍କ ସ୍ତ୍ରୀଙ୍କୁ ହତ୍ୟା କରିବା ପରେ ନିଜେ ଛାତ ଉପରୁ ଡେଇଁ ପଡିଥିଲେ ବୋଲି ପୋଲିସ ତଦନ୍ତରୁ ଜଣାପଡିଛି । ଘଟଣାଟି ରବିବାର ଘଟିଥିବାବେଳେ ଉଭୟଙ୍କ ମୃତଦେହ ଉଦ୍ଧାର କରି ପୋଲିସ ବ୍ୟବଚ୍ଛେଦ ପାଇଁ ପଠାଇଛି ।