ପାଟନା: ମହାମାରୀ କୋରୋନାର ସଂକ୍ରମଣ ବଢିଚାଲି ଥିବାବେଳେ ଥମୁନି ମୃତ୍ୟୁର ତାଣ୍ଡବ । ଏବେ ବିହାର ସରକାରଙ୍କ ମୁଖ୍ୟ ସଚିବ ଅରୁଣ କୁମାର ସିଂହଙ୍କ ପରଲୋକ ଘଟିଛି । ଅରୁଣ କୋରୋନାରେ ସଂକ୍ରମିତ ହୋଇଥିଲେ ଏବଂ ତାଙ୍କର ଚିକିତ୍ସା ଜାରି ରହିଥିଲା ।
ଅରୁଣ କୁମାର ସିଂହଙ୍କ ଦେହାନ୍ତରେ ଶୋକ ପ୍ରକାଶ କରିଛନ୍ତି ବିହାର ମୁଖ୍ୟମନ୍ତ୍ରୀ ନୀତିଶ କୁମାର ସିଂହ । ଏହା ପୂର୍ବରୁ ସ୍ବାସ୍ଥ୍ୟ ବିଭାଗରେ ଅତିରିକ୍ତ ସଚିବ ରବି ଶଙ୍କର ଚୌଧୁରୀଙ୍କ କୋରୋନାରେ ଦେହାନ୍ତ ହୋଇଥିଲା ।
1985 ବ୍ୟାଚ ଆଇଏଏସ ଅଧିକାରୀ ଅରୁଣ କୁମାର ସିଂହ ମୁଖ୍ୟ ସଚିବ ପୂର୍ବରୁ ବିହାର ବିକାଶ ଆୟୁକ୍ତ ଥିଲେ । ଚଳିତ ବର୍ଷ ତାଙ୍କୁ ମୁଖ୍ୟ ସଚିବ ଭାବେ ନିଯୁକ୍ତ କରାଯାଇଥିଲା । ସୂଚନା ଅନୁଯାୟୀ 15 ଏପ୍ରିଲରେ ଅରୁଣଙ୍କ ରିପୋର୍ଟ ପଜିଟିଭ ଆସିଥିଲା । ଏହା ପରେ ତାଙ୍କୁ ପାଟନାର ଏକ ଘରୋଇ ହସ୍ପିଟାଲରେ ଭର୍ତ୍ତି କରାଯାଇଥିଲା । ଏହିଠାରେ ହିଁ ସେ ଶେଷ ନିଶ୍ବାସ ତ୍ୟାଗ କରିଛନ୍ତି ।