ପାଟନା:ବିହାରର ନାଳନ୍ଦା ଏବଂ ସାଲାରମରେ ହିଂସା ଥମିବାର ନାଁ ନେଉନାହିଁ । ଏହାକୁ ଦୃଷ୍ଟିରେ ରଖି ଡିଜିପି ଆରଏସ ଭଟ୍ଟୀ ଉଭୟ ଜିଲ୍ଲାର ସୁରକ୍ଷା ଦାୟିତ୍ବ ନିଜ ହାତକୁ ନେଇଛନ୍ତି । ହିଂସାକୁ ନେଇ ପୁରା ଦେଶରେ ଅସନ୍ତୋଷ ପ୍ରକାଶ ପାଇବା ପରେ ଡିଜି ଏଭଳି ଏକ ନିଷ୍ପତ୍ତି ନେଇଛନ୍ତି । ବର୍ତ୍ତମାନ ନିଜର ଟିମ ସହ ନାଳନ୍ଦାରେ ରହିଛନ୍ତି ଡିଜି । ତେବେ ହିଂସା ପରଠାରୁ କମିଶନର କୁମାର ରବି ଏବଂ ଡିଆଜି ରାକେଶ କୁମାର ସାଠୀ ମଧ୍ୟ ଘଟଣାସ୍ଥଳରେ ଉପସ୍ଥିତ ରହିଛନ୍ତି । ତେବେ ଏଟିଏସ ଏସ୍ପି ସଞ୍ଜୟ କୁମାର ସିଂଙ୍କୁ ନାଳନ୍ଦାର ଅତିରିକ୍ତ ପୋଲିସ ଅଧିକ୍ଷକ କରିଛନ୍ତି । ସେ ପୁରା ପରିସ୍ଥିତି ଉପରେ ନଜର ରଖିଛନ୍ତି । ପ୍ରକାଶଥାଉକି, ସଞ୍ଜୟ କୁମାର ଭୋଜପୁରର ଏସପି ରହିଛନ୍ତି ।
ହିଂସା ଭିତରେ ବୋମା ବିସ୍ଫୋରଣ: ସାସରାମର ନଗର ପୋଲିସ ଷ୍ଟେସନ ପରିସରର ମୋଚି ଟୋଲାରୁ ବୋମା ବିସ୍ଫୋରଣ ଖବର ସାମ୍ନାକୁ ଆସିଛି । ସକାଳ ୪ଟା ବେଳେ ବୋମା ବିସ୍ଫୋରଣ କରିଥିବା ସୂଚନା ମିଳିଛି । ତେବେ ବିସ୍ଫୋରଣ ପରେ ଘଟଣାସ୍ଥଳକୁ ଏସଏସବି ଯବାନଙ୍କୁ ପଠାଯାଇଛି । ଏହାସହ ଫ୍ଲାଗମାର୍ଚ୍ଚ ମଧ୍ୟ କରାଯାଉଛି । ଏନେଇ ଏଏସଆଇ ରାମନରେଶ ସିଂହ କହିଛନ୍ତି, "ଆମେ ଡ୍ୟୁଟିରେ ରହିଥିଲୁ । ହଠାତ ବିସ୍ଫୋରଣର ଶବ୍ଦ ଶୁଭାଗଲା । ବୋମା କି ବାଣ ଥିଲା ତାହା ସ୍ପଷ୍ଟ ହୋଇପାରି ନାହିଁ । ଆମେ ଘଟଣାସ୍ଥଳକୁ ଗଲାବେଳ ଚାରିଆଡେ ଧୂଆଁମୟ ହୋଇଯାଇଥିବା ବେଳେ କେହି ନଥିଲେ ।"