ରାୟପୁର: କଂଗ୍ରେସ ଶାସିତ ଛତିଶଗଡରେ ପରିବର୍ତ୍ତନକୁ ନେଇ କଳ୍ପନାଜଳ୍ପନା ଲାଗି ରହିଛି । ଏହାରି ଭିତରେ ରାଜ୍ୟ ଗୃହମନ୍ତ୍ରୀ ତାମ୍ରଧ୍ବଜ ସାହୁ ରବିବାର କହିଛନ୍ତି ଯେ ଭୁପେଶ ବଘେଲ ଛତିଶଗଡର ମୁଖ୍ୟମନ୍ତ୍ରୀ ରହିବେ । ଡିସେମ୍ବର 2018ରେ ଛତିଶଗଡରେ କଂଗ୍ରେସ କ୍ଷମତାକୁ ଆସିବା ପରେ ତାମ୍ରଧ୍ବଜ ସାହୁ ମଧ୍ୟ ସିଏମ୍ ପଦ ପାଇଁ ଅନ୍ୟତମ ଦାବିଦାର ଥିଲେ ।
ସେ କହିଛନ୍ତି ଯେଉଁମାନେ ମୁଖ୍ୟମନ୍ତ୍ରୀ ହୁଅନ୍ତି, ସେମାନେ ଏହି ପଦ ଜାରି ରଖନ୍ତି ବୋଲି ଆମର ବିଶ୍ବାସ ରହିଛି । ପରିସ୍ଥିତି ଅନୁଯାୟୀ, ବେଳେବେଳେ ସେଗୁଡିକ କେବଳ ଦୁଇ ଚାରିମାସ ମଧ୍ୟରେ ସ୍ଥାନାନ୍ତରିତ ହୋଇଥାଏ । ଏହାଛଡା 15-20 ବର୍ଷ ପର୍ଯ୍ୟନ୍ତ ରହନ୍ତି ବୋଲି କହିଛନ୍ତି ରାଜ୍ୟ ଗୃହମନ୍ତ୍ରୀ ତାମ୍ରଧ୍ବଜ ସାହୁ । ବର୍ତ୍ତମାନ ସୁଦ୍ଧା ଭୁପେଶ ବାଗେଲ ମୁଖ୍ୟମନ୍ତ୍ରୀ ଅଛନ୍ତି ଆଗକୁ ରହିବେ ମଧ୍ୟ ।