ହାଇଦ୍ରାବାଦ:ଗୁଜୁରାଟରେ ସମସ୍ତ ଆକଳନକୁ ଅତିକ୍ରମ କରି ପ୍ରଚଣ୍ଡ ବହୁମତ ଦିଗରେ ବଢିବାରେ ଲାଗିଛି ଭାରତୀୟ ଜନତା ପାର୍ଟି । ଦଳ ନିଜର 27ବର୍ଷର ସଫଳତାର ରେକର୍ଡ ଭାଙ୍ଗିି 150ରୁ ଅଧିକ ଆସନରେ ଜିତି ସରକାର କରିବା ଏକପ୍ରକାର ସ୍ପଷ୍ଟ ହେବାରେ ଲାଗିଛି । ମଖ୍ୟମନ୍ତ୍ରୀ ଭୂପେନ୍ଦ୍ର ପଟେଲ ମଧ୍ୟ ଘାଟଲୋଡିଆରୁ ବିଜୟୀ ହୋଇଛନ୍ତି (Gujarat Chief Minister Bhupendra Patel)। ଉକ୍ତ ଆସନରୁ ଭୂପେନ୍ଦ୍ର ପଟେଲ ଦ୍ବିତୀୟ ଥର ପାଇଁ ବିଜୟୀ ହୋଇଛନ୍ତି ।
ଗାନ୍ଧି ନଗର ଲୋକସଭା କ୍ଷେତ୍ର ଅଧୀନରେ ଆସୁଥିବା ଘାଟଲୋଡିଆ ବିଧାନସଭା ନିର୍ବାଚନ ମଣ୍ଡଳୀ ପଟିଦାର ବହୁଳ ଆସନ ଭାବେ ଜଣାଶୁଣା । 2017ରେ ଏହି ଆସନରୁ ପ୍ରଥମ ଥର ପାଇଁ ନିର୍ବାଚନ ଲଢି ଭୂପେନ୍ଦ୍ର ପଟେଲ ପ୍ରାୟ 1ଲକ୍ଷ 17ହଜାର ଭୋଟ ବ୍ୟବଧାନରେ ବିଜୟୀ ହୋଇଥିଲେ ।