ଆଜି ହାଇଦ୍ରାବାଦରେ ପ୍ରଚାର ମଇଦାନକୁ ଓହ୍ଲାଇବେ ଯୋଗୀ

ପାଖେଇ ଆସୁଛି ଗ୍ରେଟର ହାଇଦ୍ରାବାଦ ମ୍ୟୁନିସିପାଲିଟି କର୍ପୋରେସନ ନିର୍ବାଚନ । ପ୍ରଚାର ମଇଦାନକୁ ଓହ୍ଲାଇବେ ୟୁପି ମୁଖ୍ୟମନ୍ତ୍ରୀ ଯୋଗୀ ଆଦିତ୍ୟନାଥ । ମାଲକାଜଗିରି ସଂସଦୀୟ କ୍ଷେତ୍ରରେ କରିବେ ରୋଡ୍ ଶୋ’ ।

ହାଇଦ୍ରାବାଦ:ଗ୍ରେଟର ହାଇଦ୍ରାବାଦ ମ୍ୟୁନିସିପାଲିଟି କର୍ପୋରେସନ ନିର୍ବାଚନ ପାଇଁ ଆଜି (ଶନିବାର) ପ୍ରଚାର ମଇଦାନକୁ ଓହ୍ଲାଇବେ ଉତ୍ତରପ୍ରଦେଶ ମୁଖ୍ୟମନ୍ତ୍ରୀ ଯୋଗୀ ଆଦିତ୍ୟନାଥ । ଦଳୀୟ ପ୍ରାର୍ଥୀଙ୍କ ପାଇଁ ପ୍ରଚାର କରିବେ। ଏନେଇ ଯୋଗୀ ଆଜି ହାଇଦ୍ରାବାଦକୁ ଆସିବାର କାର୍ଯ୍ୟକ୍ରମ ରହିଛି । ମାଲକାଜଗିରି ସଂସଦୀୟ କ୍ଷେତ୍ରରେ ରୋଡ୍ ଶୋ’ କରିବେ । ପରେ,ହାଇଦ୍ରାବାଦର ପୁରାତନ ସହର ଶାହା ଅଲି ବୃନ୍ଦା ଠାରେ ଏକ ସାଧାରଣ ସଭାକୁ ସମ୍ବୋଧିତ କରିବେ ।

ଶୁକ୍ରବାର ଦିନ ବିଜେପି ରାଷ୍ଟ୍ରୀୟ ସଭାପତି ଜେ.ପି ନଡ୍ଡା ହାଇଦ୍ରାବାଦ ଆସି ବିରାଟ ରୋଡ ଶୋ କରିଥିଲେ । ଏବଂ ଦଳୀୟ କର୍ମୀଙ୍କ ପାଇଁ ଭୋଟ ଭିକ୍ଷା ମଧ୍ୟ କରିଥିଲା । ଏହାସହ ରାଜାକାର ଠାରେ ଏକ ସାଧାରଣ ସଭା କରି ହାଇଦ୍ରାବାଦର ଭବିଷ୍ୟତ ନେଇ ବୁଦ୍ଧିଜୀବୀଙ୍କର ମତ ଲୋଢିଥିଲେ । ଡିସେମ୍ବର 1 ତାରିଖରେ ଗ୍ରେଟର ହାଇଦ୍ରାବାଦ ମ୍ୟୁନିସିପାଲିଟିର 150 ଓ୍ବାର୍ଡ ପାଇଁ ନିର୍ବାଚନ ଅନୁଷ୍ଠିତ ହେବ । ଏହାସହ 4 ତାରିଖରେ ଫଳାଫଳ ପ୍ରକାଶ ପାଇବ । ଗତ ନିର୍ବାଚନରେ ତେଲେଙ୍ଗାନା ରାଷ୍ଟ୍ରୀୟ ସମିତି ଦଳ 99 ଓ୍ବାର୍ଡରେ ବାଜି ମାରିଥିବା ବେଳେ ଏଆଇଏମଏମ (AIMIM) ଦଳ 44 ଓ୍ବାର୍ଡରେ ବିଜୟୀ ହୋଇଥିଲା । ବାକି 7ଟି ଓ୍ବାର୍ଡରେ ଅନ୍ୟ ଦଳ ମାନେ କବଜ୍ଜା କରିଥିଲେ ।

ବ୍ୟୁରୋ ରିପୋର୍ଟ, ଇଟିଭି ଭାରତ