ଲକ୍ଷ୍ନୌ: ଶାରଦୀୟ ନବରାତ୍ରୀ ଅବସରରେ ଉତ୍ତରପ୍ରଦେଶର ମୁଖ୍ୟମନ୍ତ୍ରୀ ରାଜ୍ୟବାସୀଙ୍କୁ ଶୁଭେଚ୍ଛା ଦେବା ସହ ଗୋରଖପୁରର ଗୋରେଖନାଥ ପୀଠରେ କନ୍ୟା ପୂଜା କରିଛନ୍ତି ।
ବିଜୟାଦଶମୀ ଅବସରରେ ଯୋଗୀ ଆଦିତ୍ୟନାଥଙ୍କର କନ୍ୟା ପୂଜା
କନ୍ୟାମାନେ ହେଲେ ଦେବୀ ମା'ଙ୍କ ପ୍ରତୀକ । ସେମାନଙ୍କ ଠାରେ ମା' ଦୁର୍ଗାଙ୍କ ରୂପ ଦେଖାଯାଏ । ତେଣୁ ମୁଖ୍ୟମନ୍ତ୍ରୀ ଯୋଗୀ ଆଦିତ୍ୟନାଥ ନବମୀ ଅବସରରେ ନଅ ଜଣ ବାଳିକାଙ୍କୁ ପୂଜା କରିଛନ୍ତି । କୁନି କୁନି ଝିଅମାନଙ୍କୁ ପୂଜା କରିବା ସହ ତାଙ୍କ ପାଦ ଧୋଇ ଟିକା ଲଗେଇଥିଲେ । ଏହା ପରେ ସେମାନଙ୍କୁ ପୋଷାକ ଦେଇ ଭୋଜନ କରାଇଥିଲେ । ପୂଜା ଶେଷ ହେବା ପରେ ନଅଜଣ କନ୍ୟାଙ୍କୁ ନବଦୁର୍ଗା ରୂପରେ ଅଭିନନ୍ଦନ ଜଣାଇ ଏହା ଝିଅମାନଙ୍କ ପ୍ରତି ଭାରତର ଅନନ୍ତ ବିଶ୍ବାସକୁ ଦର୍ଶାଉଥିବା କହିଛନ୍ତି ଯୋଗୀ ଆଦିତ୍ୟନାଥ ।