ମେଲବୋର୍ଣ୍ଣ: 2020 ଆଇସିସି ମହିଳା ଟି-20 ବିଶ୍ବକପ ଚମ୍ପିଆନ ହୋଇଛି ଅଷ୍ଟ୍ରେଲିଆ । 5ମ ଥର ଚମ୍ପିଆନ ହେବାସହ ଏହି ଟୁର୍ଣ୍ଣାମେଣ୍ଟରେ ସଫଳତମ ଦଳ ହୋଇଛି ଅଷ୍ଟ୍ରେଲିଆ । 2010, 2012, 2014, 2018 ପରେ 2020ରେ ପୁଣି ସବୁଠୁ ସଫଳ ଦଳ ହୋଇଛି ଅଷ୍ଟ୍ରେଲିଆ ମହିଳା ଦଳ ।
ଫଳରେ ଭାରତୀୟ ମହିଳା ଦଳର ପ୍ରଥମ ଥର ଟି-20 ବିଶ୍ବକପ ଚମ୍ପିଆନ ଆଶା ମଉଳି ଯାଇଛି । 185 ରନର ବିଶାଳ ବିଜୟ ଲକ୍ଷ୍ୟକୁ ହାସଲ କରିବାକୁ ଯାଇ ବିଫଳ ହୋଇଥିଲେ । ମାତ୍ର 99ରନରେ ସୀମିତ ରହିଥିଲା ଭାରତୀୟ ଇଂନିସ । ଦଳର ସମସ୍ତ ଆଗଧାଡିର ବ୍ୟାଟ୍ସମ୍ୟାନ ନିରାଶ କରିଥିଲେ । ଦଳ ପକ୍ଷରୁ ଦିପ୍ତି ଶର୍ମା ସର୍ବାଧିକ 33 ରନର ଇଂନିସ ଖେଳିଥିଲେ । ଫଳରେ 85 ରନରେ ବିଜୟୀ ହୋଇଥିଲା ଅଷ୍ଟ୍ରେଲିଆ ।