ନଳିନୀଙ୍କ ନିଶା, ପ୍ଲାଷ୍ଟିକ ମୁକ୍ତ ରାଇଚୁର

ବଢୁଥିବା ପ୍ଲାଷ୍ଟିକର ବ୍ୟବହାର ପୃଥିବୀ ପାଇଁ କ୍ଷତି କରିବାରେ ଲାଗିଛି । ଆଉ ଏଥିପାଇଁ ପ୍ରତ୍ୟେକ ନାଗରିକକୁ ପ୍ଲାଷ୍ଟିକର ବିକଳ୍ପକୁ ବ୍ୟବହାର କରିବାକୁ ହେବ । ଆଉ ଏପରି ସ୍ଥିତିରେ କର୍ଣ୍ଣାଟକ ରାଜ୍ୟ ରାଇଚୁରର ଜିଲ୍ଲା ପ୍ରଶାସନ ପ୍ଲାଷ୍ଟିକ ମୁକ୍ତ ରାଜ୍ୟ ଗଠନ ପାଇଁ ଆଗକୁ ଆସିଛି ।

ରାଇଚୁର: ପ୍ଲାଷ୍ଟିକ ବ୍ୟବହାର ନ କରିବାକୁ ଚାଲିଛି ଜୋରଦାର ସଚେତନ । କିନ୍ତୁ ପ୍ଲାଷ୍ଟିକ ବିକଳ୍ପ ଗୁଡିକୁ ଲୋକପ୍ରିୟ କରାଇବାର ରହିଛି ଆବଶ୍ୟକତା। ଏପରିସ୍ଥଳେ କପଡା ବ୍ୟାଗକୁ ଲୋକପ୍ରିୟ କରାଇବା ପାଇଁ ଆଗକୁ ଆସିଛି ରାଇଚୁର ଜିଲ୍ଲାପ୍ରଶାସନ ଓ କିଛି ପ୍ରତିନିଧି ।

ନଗର ନିଗମ ପକ୍ଷରୁ କପଡା ବ୍ୟାଗକୁ ରାଇଚୁରର ସିନ୍ଧାନୁର ଅଞ୍ଚଳରେ ବାଣ୍ଟୁଛନ୍ତି ନଳିନୀ ଚନ୍ଦ୍ରଖେଖର ମିଟି ନାମକ ମହିଳା । ସେ ନିଜ ପକେଟ ମନିରୁ 600 ବ୍ୟାଗ କିଣିଛନ୍ତି, ସେହି ବ୍ୟାଗ ଗୁଡିକୁ ମାଗଣାରେ ସ୍ଥାନୀୟ ଅଞ୍ଚଳରେ ବାଣ୍ଟୁଛନ୍ତି । ନିଜ ୱାର୍ଡକୁ ପ୍ଲାଷ୍ଟିକ ମୁକ୍ତ କରିବାକୁ ଚାହୁଁଥିବା ନଳିନୀ ବାଣ୍ଟୁଛନ୍ତି ବ୍ୟାଗ । ଯେଉଁଥିରେ ଲେଖା ରହିଛି, ଆମେ ସ୍ବଚ୍ଛତା ଆଡକୁ ଆଗକୁ ବଢୁଛେ ।

ଯଦି ଆମେ କପଡା ବ୍ୟାଗର ଲାଭ ଉପରେ ନଜର ପକାଇବା, ଏହାକୁ ଆମେ ଅନେକ ବର୍ଷ ପର୍ଯ୍ୟନ୍ତ ବ୍ୟବହାର କରିପାରିବା । ଆଉ ଏଥିରେ 10ରୁ 15 କେଜିର ସାମଗ୍ରୀ ନିଆଯାଇପାରିବ । ପ୍ଲାଷ୍ଟିକ ଅପେକ୍ଷା କପଡା ବ୍ୟାଗ ଗୁଡିକ ପରିବେଶ ଉପଯୋଗୀ । ଯାହାକୁ ପୁନଃବ୍ୟବହାର କରାଯାଇପାରେ । ନଳିନୀ କେବଳ ବ୍ୟାଗ ବାଣ୍ଟି ସଚେତନ କରୁଛନ୍ତି, ତାହା ନୁହେଁ ପରିବେଶ ପାଇଁ ପ୍ଲାଷ୍ଟିକ କେତେ ହାନିକାରକ ସେ ସମ୍ପର୍କରେ କରୁଛନ୍ତି ସଚେତନ ।

ବ୍ୟୁରୋ ରିପୋର୍ଟ, ଇଟିଭି ଭାରତ