ଅହମଦାବାଦ: ଦୁଇ ଦିନିଆ ଭାରତ ଗସ୍ତରେ ଆସୁଥିବା ଆମେରିକା ରାଷ୍ଟ୍ରପତି ଡୋନାଲ୍ଡ ଟ୍ରମ୍ପ 24 ଫେବୃଆରୀ ଗୁଜୁରାଟର ଆହମଦାବାଦରେ ପହଞ୍ଚିବେ । ଟ୍ରମ୍ପଙ୍କ ଗସ୍ତ ନେଇ ଅହମଦାବାଦରେ ପ୍ରସ୍ତୁତି ଜୋରଶୋରରେ ଚାଲିଛି । ପ୍ରଧାନମନ୍ତ୍ରୀ ନରେନ୍ଦ୍ର ମୋଦିଙ୍କ ନିଜ ଜନ୍ମସ୍ଥାନ ଗୁଜୁରାଟରେ ରାଷ୍ଟ୍ରପତି ଟ୍ରମ୍ପଙ୍କୁ ଭବ୍ୟ ସ୍ବାଗତ କରାଯିବ ।
ମୋରେଟା ଷ୍ଟାଡିୟମରେ ମିନି ହସ୍ପିଟାଲ
ଟ୍ରମ୍ପଙ୍କ ଗସ୍ତ ସମୟରେ ଅହମଦାବାଦର ମୋରେଟା ଷ୍ଟାଡିୟମରେ ଆୟୋଜିତ ନମସ୍ତେ ଟ୍ରମ୍ପ କାର୍ଯ୍ୟକ୍ରମରେ 1 ଲକ୍ଷରୁ ଉର୍ଦ୍ଧ୍ବ ଲୋକଙ୍କ ସମାଗମ ହେବା ନେଇ ଅନୁମାନ କରାଯାଉଛି । ଏଥିପାଇଁ ମୋରେଟା ଷ୍ଟାଡିୟମରେ 25 ଶଯ୍ୟା ବିଶିଷ୍ଟ ଏକ ହସ୍ପିଟାଲ ନିର୍ମାଣ କରାଯାଇଛି । ହସ୍ପିଟାଲରେ ଏକ୍ସ-ରେ ମେସିନ ସହ ପ୍ରାଥମିକ ଉପଚାର ସୁବିଧା ଉପଲବ୍ଧ ରହିବ ।