ହାଇଦ୍ରାବାଦ: ଜମ୍ମୁ-କାଶ୍ମୀର ପ୍ରସଙ୍ଗରେ ପ୍ରଧାନମନ୍ତ୍ରୀ ମୋଦିଙ୍କୁ ଟାର୍ଗେଟ କରିଛନ୍ତି ହାଇଦ୍ରବାଦ ସାଂସଦ ତଥା ଏଆଇଏମଆଇଏମ ମୁଖ୍ୟ ଅସାଦୁଦ୍ଦିନ ଓୱେସୀ । କାଶ୍ମୀର ଘାଟିକୁ ବୈଦେଶିକ ପ୍ରତିନିଧିମଣ୍ଡଳୀର ଯାତ୍ରା ପରେ ପିଏମ ମୋଦିଙ୍କୁ ତେରଚ୍ଛା ବାଣ ମାରିଛନ୍ତି ଓୱେସୀ । ଏନେଇ ସେ କହିଛନ୍ତି ଯେ, ଯଦି ମୁଁ ଏବେ କାଶ୍ମୀର ଯିବାକୁ ଇଚ୍ଛା ପ୍ରକାଶ କରିବି, ତାହେଲେ ମୋତେ ହାଇଦ୍ରାବାଦ ବିମାନବନ୍ଦରରୁ ଗିରଫ କରିନିଆଯିବ।
ଜମ୍ମୁ-କାଶ୍ମୀରରୁ 370 ଧାରା ଉଚ୍ଛେଦ କରାଯିବା ପରେ ସେଠାକାର ନାଗରିକଙ୍କୁ ସ୍ବତନ୍ତ୍ର ସୁବିଧା ସୁଯୋଗ ଯୋଗାଇ ଦିଆଯାଉଥିବା କହୁଛନ୍ତି ମୋଦି ସରକାର । ଯାଉଛି। ହେଲେ 370 ଧାରା ଉଚ୍ଛେଦ ହେବାର 6 ମାସ ବିତିଯାଇଥିଲେ ସୁଦ୍ଧା, କାଶ୍ମୀରବାସୀଙ୍କୁ ଇଣ୍ଟରନେଟ ସୁବିଧା ମିଳି ନାହିଁ ବୋଲି କଟାକ୍ଷ କରିଛନ୍ତି ହାଇଦ୍ରାବାଦ ସାଂସଦ ।
ପ୍ରଧାନମନ୍ତ୍ରୀ ଆହୁରି କହୁଛନ୍ତି ଯେ, ଜମ୍ମୁ-କାଶ୍ମୀରରେ ସମସ୍ତ ପ୍ରକାର ଉନ୍ନତିମୂଳକ କାର୍ଯ୍ୟ କରାଯାଉଛି। ଯେପରି ପୂର୍ବରୁ କାଶ୍ମୀର ଘାଟିର ବିକାଶ କୌଣସି ରାମ ହୋଇନଥିଲା । ଜମ୍ମୁ-କାଶ୍ମୀରରୁ 370 ଧାରା ଉଚ୍ଛେଦ କରିବା ସହ ଏଠାକାର ପୂର୍ବତନ ମୁଖ୍ୟମନ୍ତ୍ରୀ ଶେଖ ଅବଦୁଲ୍ଲାଙ୍କୁ ଗିରଫ କରି ମସ୍ତବଡ ଭୁଲ କରିଛି କେନ୍ଦ୍ର । ବିଜେପି ସରକାର କେବଳ ପ୍ରତିଶୃତି ଦେଇ ଜାଣିଛି ହେଲେ ତାହା ପୂରଣ କରିବାକୁ ଭୁଲି ଯାଉଛି । ତେଲେଙ୍ଗାନାରେ ଅନୁଷ୍ଠିତ ହେବାକୁ ଯାଉଥିବା ଏକ ପୌର ନିର୍ବାଚନକୁ ନେଇ ଶନିବାର ଆୟୋଜିତ ହୋଇଥିବା ରାଲିକୁ ସମ୍ବୋଧିତ କରିବା ଉଦ୍ଦେଶ୍ୟରେ ଏହା କହିଛନ୍ତି ଓୱେସୀ ।
ମୋଦି ସରକାର ବୈଦେଶିକ ପ୍ରତିନିଧିଙ୍କ ସହ କାଶ୍ମୀର ଗସ୍ତ କରିବା ଦର୍ଶାଉଛି ଯେ ସେଠାରେ ଶାନ୍ତିସୌହାର୍ଦ୍ଧ୍ୟ ବଜାୟ ରହିଛି । ହେଲେ ଯଦି ମୁଁ ଏବେ କାଶ୍ମୀର ଯିବାକୁ ଚାହିଁବି, ତାହେଲେ ମୋତେ ସିଆଇଏସଏଫ ଯବାନ ହାଇଦ୍ରାବାଦ ବିମାନବନ୍ଦରରୁ ଗିରଫ କରିନେବେ । ଯେମିତି ମୁଁ ଭାରତୀୟ ସମ୍ବିଧାନର ଶପଥ ନେଇ ନାହିଁ ବୋଲି କହିଛନ୍ତି ସାଂସଦ ଓୱେସୀ ।
