କୋଲକାତା: ପଶ୍ଚିମବଙ୍ଗରେ ରାଜ୍ୟନୈତିକ ହିଂସା ଏବେ ଚରମ ସ୍ଥିତିରେ ପହଞ୍ଚିଛି । ରାଜ୍ୟରେ ଗୋଟିଏ ପରେ ଗୋଟିଏ ବିଜେପି ନେତା ଓ କର୍ମୀଙ୍କ ମୁଣ୍ଡ ଗଡିବାରେ ଲାଗିଛି । ତବେ ଏନେଇ ରାଜ୍ୟରେ କ୍ଷମତାସୀନ ତୃଣମୂଳ କଂଗ୍ରେସ ସରକାର ଉପରେ ଅଭିଯୋଗ ଆଣିଛି ବିଜେପି ।
ରାଜ୍ୟରେ ଏବେ କୋରୋନାର ସ୍ଥିତି ଉତ୍କଟ ରହିଛି । ଏପରି ସମୟରେ ମମତା ବାନାର୍ଜୀ କୋରୋନା ବିରୋଧରେ ନ ଲଢି କେନ୍ଦ୍ର ସରକାର ଓ ବିଜେପି ବିରୋଧରେ ଲଢେଇ କରୁଛନ୍ତି ବୋଲି ଅଭିଯୋଗ କରିଛନ୍ତି ପଶ୍ଚିମବଙ୍ଗ ବିଜେପି ସଭାପତି ଦିଲୀପ ଘୋଷ । ସେ କହିଛନ୍ତି ରାଜ୍ୟରେ କୋରୋନା ସଙ୍କଟ ମଧ୍ୟରେ ମୁଖ୍ୟମନ୍ତ୍ରୀ ମମତା ବାନାର୍ଜୀ କେନ୍ଦ୍ର ସରକାର ତଥା ରାଜ୍ୟପାଳଙ୍କ ବିରୋଧରେ ଲଢେଇ କରୁଛନ୍ତି । ତାଙ୍କ ଦଳର ଗୁଣ୍ଡାମାନେ ବିଜେପି କାର୍ଯ୍ୟକର୍ତ୍ତାଙ୍କର ହତ୍ୟା କରିଚାଲିଛନ୍ତି । ତେବେ ଏଠାରେ କୌଣସି ଜଣେ ବି ବିଧାୟକ ସୁରକ୍ଷିତ ନଥିବା ଦିଲୀପ କହିଛନ୍ତି ।