ନୂଆଦିଲ୍ଲୀ: ପ୍ରାଇଭେସି ପଲିସି ଲାଗୁ କରିବା ପାଇଁ ପ୍ରସ୍ତୁତ ହେଉଛି WhatsApp(ହ୍ବାଟ୍ସଆପ) । ତେବେ ହ୍ବାଟ୍ସଆପର ନୂଆ ପ୍ରାଇଭେସି ପଲିସିକୁ ନେଇ ଲୋକେ ଏହାର ଆଲୋଚନା କରୁଛନ୍ତି । ଏହାରି ମଧ୍ୟରେ ନିଜ ନୂଆ ପ୍ରାଇଭେସି ପଲିସିକୁ ନେଇ ସଫେଇ ଦେଇଛି ହ୍ବାଟ୍ସଆପ ।
ରବିବାର ସକାଳେ ଖୋଦ ହ୍ବାଟ୍ସଆପ ୟୁଜର୍ସଙ୍କ ପାଇଁ ହ୍ବାଟ୍ସଆପରେ ଷ୍ଟାଟସ ଦେଇଛି । ୟୁଜର୍ସଙ୍କ ପ୍ରାଇଭେସି ପଲିସି ବଜାୟ ରଖିବାକୁ ପ୍ରତିବଦ୍ଧ ବୋଲି ଏହି ଷ୍ଟାଟସରେ ବାର୍ତ୍ତା ଦେଇଛି ହ୍ବାଟ୍ସଆପ । ରବିବାର ସକାଳେ ଯେତେବେଳେ ୟୁଜର୍ସ ହ୍ବାଟ୍ସଆପ ଚଳାଇବା ଆରମ୍ଭ କଲେ, ସେତେବେଳେ ଷ୍ଟାଟସ ସେଗମେଣ୍ଟରେ ହ୍ବାଟ୍ସଆପର ହିଁ ଷ୍ଟାଟସ ରହିଥିଲା । ଏଥିରେ ପ୍ରାଇଭେସି ପଲିସିକୁ ନେଇ କିଛି ବାର୍ତ୍ତା ଦିଆଯାଇଥିଲା । ଏଥିରେ ପ୍ରଥମ ବାର୍ତ୍ତା ଥିଲା ଯେ ଆମେ ପ୍ରାଇଭେସି ପଲିସି ପାଇଁ ପ୍ରତିବଦ୍ଧ ।