ମାନଚିତ୍ର ବିବାଦ: ନେପାଳ ସହ ବ୍ୟବସାୟ ବନ୍ଦ କଲେ ପଶ୍ଚିମବଙ୍ଗ ବ୍ୟବସାୟୀ

ଭାରତ ଏବଂ ନେପାଳ ମଧ୍ୟରେ ଏବେ ମାନଚିତ୍ର ବିବାଦ ବଢିବାରେ ଲାଗିଛି । ଏପଟେ ନେପାଳୀ ନାଗରିକଙ୍କୁ କୌଣସି ଭାରତୀୟ ଉତ୍ପାଦ ବିକ୍ରୟ ନକରିବାକୁ ନିଷ୍ପତ୍ତି ନେଇଛନ୍ତି ପଶ୍ଚିମବଙ୍ଗ ବ୍ୟବସାୟୀ । ଅଧିକ ପଢନ୍ତୁ...

କୋଲକାତା: ଭାରତ ଏବଂ ନେପାଳ ମଧ୍ୟରେ ଏବେ ମାନଚିତ୍ର ବିବାଦ ବଢିବାରେ ଲାଗିଛି । ସିଲିଗୁଡି ନିକଟ ଭାରତ-ନେପାଳ ସୀମା ନିକଟରେ ଅବସ୍ଥିତ ପାନିଟାଙ୍କିର ବ୍ୟବସାୟୀମାନେ ହିମାଳୟ ଦେଶ ସହିତ ବିବାଦୀୟ ସଂଶୋଧନ ପରେ ଦୁଇ ପଡୋଶୀ ଦେଶ ମଧ୍ୟରେ ତିକ୍ତତାକୁ ନେଇ ନେପାଳୀ ନାଗରିକଙ୍କୁ କୌଣସି ଭାରତୀୟ ଉତ୍ପାଦ ବିକ୍ରୟ ନକରିବାକୁ ନିଷ୍ପତ୍ତି ନେଇଛନ୍ତି। କାରଣ ନେପାଳ ମାନଚିତ୍ରରେ ଭାରତର କଳାପାଣି, ଲିପୁଲେଖ ଏବଂ ଲିମ୍ପିୟାଧୁରା ଅଞ୍ଚଳକୁ ସେମାନେ ଦେଖାଇଛନ୍ତି । ଏହି ପରିପ୍ରେକ୍ଷୀରେ ନେପାଳର ପଦକ୍ଷେପକୁ ନିନ୍ଦା କରି 1,210 ଦୋକାନର ସର୍ବୋଚ୍ଚ ସଂସ୍ଥା ପାନିଟାଙ୍କି ବ୍ୟବସାୟୀ ସମିତି ଏହି ପ୍ରସଙ୍ଗରେ ନେପାଳୀ ନାଗରିକଙ୍କୁ କୌଣସି ଭାରତୀୟ ଉତ୍ପାଦ ବିକ୍ରୟ ନକରିବାକୁ ନିଷ୍ପତ୍ତି ନେଇଛନ୍ତି ।

‘ଆମେ ନେପାଳକୁ ସବୁକିଛି ପଠାଉଥିଲୁ ଏବଂ ସେମାନଙ୍କୁ ବର୍ଷ ବର୍ଷ ଧରି ସାହାଯ୍ୟ କରୁଥିଲୁ। କିନ୍ତୁ, ନେପାଳ ସରକାର ଭାରତର ଅଞ୍ଚଳକୁ ସେମାନଙ୍କ ମାନଚିତ୍ରରେ ଦେଖାଇଛନ୍ତି। ତେଣୁ ଆମେ ସେମାନଙ୍କ ସହ ବ୍ୟବସାୟ ନକରିବାକୁ ନିଷ୍ପତ୍ତି ନେଇଛୁ’ ବୋଲି ପାନିଟାଙ୍କି ବ୍ୟବସାୟୀ ସମିତିର ସଚିବ ଦିପକ ଚକ୍ରବର୍ତ୍ତୀ ଗଣମାଧ୍ୟମକୁ କହିଛନ୍ତି । ଯଦି ସେମାନେ ନେପାଳ ମାନଚିତ୍ରରୁ ଭାରତର ଅଞ୍ଚଳ ହଟାନ୍ତି ନାହିଁ ତେବେ ଆମେ ସେମାନଙ୍କୁ କିଛି ପଠାଇବୁ ନାହିଁ ବୋଲି ସେମାନେ କହିଛନ୍ତି ।

ସଂସଦ ସର୍ବସମ୍ମତି କ୍ରମେ ନୂତନ ରାଜନୈତିକ ମାନଚିତ୍ରକୁ ଅନୁମୋଦନ କରିବା ପରେ ନେପାଳର ଆଞ୍ଚଳିକ ଦାବିକୁ "କୃତ୍ରିମ ବୃଦ୍ଧି" ବୋଲି ଭାରତ କହିଛି। ଏହା ମନେ ରଖିବାକୁ ହେବ ଯେ ପୂର୍ବ ନେପାଳର ମୋରାଙ୍ଗ, ଇଲାମ, ଜାପା ଜିଲ୍ଲାର ଅଧିକାଂଶ ନେପାଳ ନାଗରିକ ପାନିଟାଙ୍କିର ସ୍ଥାନୀୟ ବଜାର ଉପରେ ନିର୍ଭରଶୀଳ ।