କୋଲକାତା: ସାରା ଦେଶରେ କ୍ରମଶଃ କୋରୋନା ସଂକ୍ରମଣ ରିପୋର୍ଟ ବୃଦ୍ଧି ପାଉଛି । ଏପରିସ୍ଥଳେ ବିଭିନ୍ନ ରାଜ୍ୟରୁ ତାଜା ମୃତ୍ୟୁ ରିପୋର୍ଟ ମଧ୍ୟ ସାମ୍ନାକୁ ଆସୁଛି । ପଶ୍ଚିମବଙ୍ଗରେ COVID-19ରେ ପ୍ରଥମ ମୃତ୍ୟୁ ରିପୋର୍ଟ ଆସିଛି ।
ସୋମବାର 57 ବର୍ଷୀୟ ଆକ୍ରାନ୍ତ ବ୍ୟକ୍ତି ଏକ ଘରୋଇ ଡାକ୍ତରଖାନାରେ ପ୍ରାଣ ହରାଇଛନ୍ତି । ଯାହା ପଶ୍ଚିମବଙ୍ଗରେ ପ୍ରଥମ ମହାମାରୀ କୋରୋନା ଭାଇରସ୍ ମୃତ୍ୟୁ ଖବର ବୋଲି ଜଣେ ଅଧିକାରୀ କହିଛନ୍ତି ।
57 ବର୍ଷୀୟ ବ୍ୟକ୍ତି ସଲ୍ଟ ଲେକ୍ ର ଆମ୍ରି ହସ୍ପିଟାଲର ଆଇସିସିୟୁରେ ଭେଣ୍ଟିଲେଟର ସହାୟତାରେ ରହିଥିଲେ । ପରେ ସୋମବାର ଅପରାହ୍ନରେ ହୃଦ୍ଘାତରେ ତାଙ୍କର ମୃତ୍ୟୁ ହୋଇଛି ।