କୋଲକାତା: ପଶ୍ଚିମବଙ୍ଗରେ କୋଭିଡ 19 ପ୍ରଭାବ ଧିରେ ଧିରେ ବଢିବାରେ ଲାଗିଛି । ନିକଟରେ ତବଲିଘରୁ ଫେରିଥିବା ଅନେକ ଲୋକ ଚିହ୍ନଟ ହେବା ପରେ ଏଠାରେ ଆକ୍ରାନ୍ତଙ୍କ ସଂଖ୍ୟା ବୃଦ୍ଧି ପାଇଛି । ମୁକାବିଲା ପାଇଁ ସରକାର କଟକଣା କଠୋର କରିଛନ୍ତି ।
ସେହିପରି ଆକ୍ରାନ୍ତଙ୍କ ଚିକିତ୍ସା ପାଇଁ ସରକାର ଘରୋଇ ହସ୍ପିଟାଲର ସାହାଯ୍ୟ ଲୋଡିଛନ୍ତି । କିଛି ହସ୍ପିଟାଲ ଲୋକଙ୍କ ଚିକିତ୍ସା ପାଇଁ ଅଧିକ ଅର୍ଥ ନେଉଥିବାର ଖବର ଆସିବା ପରେ ସରକାର କାର୍ଯ୍ୟାନୁଷ୍ଠାନ ନେଇଛନ୍ତି । କୋଭିଡ 19 ଆକ୍ରାନ୍ତଙ୍କୁ ମାଗଣା ଚିକିତ୍ସା ଦେବାକୁ ସରକାର ଘରୋଇ ହସ୍ପିଟାଲକୁ ନିର୍ଦ୍ଦେଶ ଦେଇଛନ୍ତି ।