ଜୟପୁର: ରାଜସ୍ଥାନର ଏକମାତ୍ର ପାର୍ବତ୍ୟ ପର୍ଯ୍ୟଟନ ନଗରୀ 'ମାଉଣ୍ଟ ଆବୁ' ଯାହା ରାଜ୍ୟର ସିରୋହୀ ଜିଲ୍ଲାରେ ରହିଛି । ଏବେ ସେଠାର ପାଣିପାଗରେ ପରିବର୍ତ୍ତନ ଦେଖାଯାଇଛି । ବିଶେଷକରି ବର୍ଷା ଓ ଶୀତ ଦିନରେ ପାହାଡ଼ ଉପରୁ ପ୍ରକୃତିର ସୌନ୍ଦର୍ଯ୍ୟର ଏକ ନିଆରା ଅନୁଭବ ରହିଛି । ଯାହାକୁ ଦେଖିବାକୁ ବର୍ତ୍ତମାନ ସମୟରେ ପର୍ଯ୍ୟଟକଙ୍କ ଭିଡ ଦେଖିବାକୁ ମିଳିଛି ।
ମନମୋହୁଛି 'ମାଉଣ୍ଟ ଆବୁ', ପ୍ରକୃତିକୁ ଉପଭୋଗ କରିବାକୁ ଲାଗୁଛି ପର୍ଯ୍ୟଟକଙ୍କ ଭିଡ - Mount Abu is a hill station in Rajasthan
ରାଜସ୍ଥାନର ଏକମାତ୍ର ହିଲ ଷ୍ଟେସନ 'ମାଉଣ୍ଟ ଆବୁ'ରେ ଅନୁଭୂତ ହେବାରେ ଲାଗିଛି ଶୀତ। ଏହାର ପ୍ରାକୃତିକ ସୌନ୍ଦର୍ଯ୍ୟ ପର୍ଯ୍ୟଟକଙ୍କ ଆକର୍ଷଣର କେନ୍ଦ୍ରବିନ୍ଦୁ ପାଲଟିଛି।
ଫଟୋ ସୌଜନ୍ୟ: ଇଟିଭି ଭାରତ ବ୍ୟୁରୋ
ମଙ୍ଗଳବାର ସକାଳେ ଏହି ସ୍ଥାନର ପାଣିପାଗରେ ପରିବର୍ତ୍ତନ ଘଟିବା ସହ କଳା ବାଦଲ ଛାଇ ରହିବା ସହ ହାଲକା ହାଲକା ଶୀତଳ ପବନ ପରିବେଶକୁ ବେଶ ରୋମାଞ୍ଚକର କରୁଥିଲା । ଏହାପରେ ଝିପଝିପ ବର୍ଷା ମଧ୍ୟ ହୋଇଥିଲା । ଏହାପରେ ମାଉଣ୍ଟ ଆବୁରେ ଥଣ୍ଡା ପଡିବା ଆରମ୍ଭ ହୋଇଯାଇଛି ।
ଦୀପାବଳି ଅବସରରେ ମାଉଣ୍ଟ ଆବୁ ପହଞ୍ଚିଥିବା ପର୍ଯ୍ୟଟକ ଏହି ପାଣିପାଗର ବେଶ ମଜା ଉଠାଉଥିବା ଦେଖିବାକୁ ମିଳିଛି । ଶୀତ ଆରମ୍ଭ ହେଉ ହେଉ ତାପମାତ୍ରା ମଧ୍ୟ କମ ହେବାରେ ଲାଗିଛି । ସହରରେ ସର୍ବନିମ୍ନ ତାପମାତ୍ରା 15 ଡିଗ୍ରୀ ରେକର୍ଡ କରାଯାଇଛି । ତେବେ ଆଗକୁ ଅତ୍ୟଧିକ ଥଣ୍ଡା ପଡିବ ବୋଲି ରାଜ୍ୟ ପାଣିପାଗ ବିଭାଗ ପକ୍ଷରୁ ସୂଚନା ଦିଆଯାଇଛି।